Numera 18:19 - Iaai Bible 1901 (New Caledonia)

¹⁹ Haba je hut hia adre kap goranyai ûnyi hnyi ta je ûnyi ae kap ame he lakon Isaraela ka hudo kö Iehova, me wale oge me ham köu, me lakom obaga me wahlu unyâm, helâ me hwajekhoû nyiele balua: ke wale ûhihinyköuiny sâlt nyiele balua hnyi hnyimakö Iehova, hnân hobi köu, me je mâtrânâm unyâm.

Numera 18:19 Iomraidhean Croise

II. Je Than 12:16

Haba moneiny je hudiny hulö, me moneiny je hudiny monu, adre ca hom ka hnyi uma umo Iehova: ke hobi kâu tavat bihut e.

II. Man Ûlabainy Je Than. 13:5

hawa, adre ca omanenâ köbun a haba Jehova Khongu Isaraela ame ham dökhuiny Isaraela kö Davita nyiele balua, kâu me je mâtrâniny ge ûhi-hinyköuiny sâlt?

II. Man Ûlabainy Je Than. 31:4

Ke haba khaca e ame hûna ka tavat adre me laba hnyi Jerusalema he ka ham jekhon tavat bihut me at Levi, mʼ ödrin e he ka hwege hnyi hnanyibu anyi Iehova.

Esodo 29:27

Ke u me he ka okabâ ûlainy hut adre hajijingâ, me jevan wale hut adre kap goranyai, wale at adre hajijingâ me kap goranyai, wale ec mamoe baga hnân uhotilâ, wale hobi kö Arona me lakon:

Ezekiela 43:24

Ke u me he ka ûhakekenyi ödru hnyi hnyimakö Iehova, ke ame he tavat bihut ka khûö sâlt hudru, ke adre me he ka hudi ödru kö Iehova hnân hudiny leû.

Levitiko 2:13

Ke u me he ka sâltâ je hudiny ânyâm han hia; ke so ame ca ba balua sâltiny ûhihinyköu anyin Khongom hnyi ânyâm hudiny han: u me he ka hudo ânyâm je hut hia tha e me sâlt.

Levitiko 21:22

E ame he ka hnyi han an Khongon, wale je ûnyi ae ti kap hmönyin, me je ûnyi ae kap.

Levitiko 7:14

Ke haba khaca hut hnyi je hut hia, me ame he ka hudo hnân hut adre kap goranyai kö Iehova: ke haba at bihut at ame dukâiâ dren je hudiny ole, me, anyin bi e.

Numera 18:11

Ke walang ânyâm; a hudiny kap goranyai adre ham, wale je hudiny hajijing hia anyin lakon Isaraela: oge hia but ham ta je ûnyi e köu me lakom obaga me wahlu a tha ödrin mou, hnân hwajekhoû nyiele balua: haba tavat hia ae bo so hnyi hnyabam adre me he ka an je ûnyi e.

Numera 18:8

Ke Iehova ame ha kö Arona, ka habe, Wâ bi, inya oge hia but ham köu hanymen hudiny kap goranyai könya, a wale je ûnyi ae kap hia ge lakon Isaraela, oge hia but ham köu ta je ûnyi e can hnödra hna hû, me hobi kâu lakom hnân hwajekhon nyiele balua.

Numera 31:29

hom dö e ûnyi hnyi jekhoudra me ham kö Eleazara at bihut, hnân hudiny hajijing kö Iehova.

Numera 31:41

Ke haba Mose ame ham fat, wale hudiny kap goranyai kö Iehova, kö Eleazara at bihut, hoton hna hûna hnö Iehova kö Mose.

Deuteronomi 12:26

Ke haba ânyâm je ûnyi ae kap, me ânyâm je khöbi, me u me he ka hom me he ka hnyi dok ame he Iehova ka ûca:

Deuteronomi 12:6

ke öbun e he ka hom kâ e anyibun je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun je khöbi, me anyibun je hudiny ibetengiö, me je nokon a bân hnyi halebun je kau me mamoe: