Numera 18:15 - Iaai Bible 1901 (New Caledonia)

¹⁵ Haba ta je ûnyi adre hnokoâ a bân, a ta je ûnyi hia adre ham kö Iehova, ame ne at ame ne meno, me wale hobi köu: ke so bi u me he ka bi hnen je wanakat a bân, ke u me he ka bi hnen je nokon meno a bân ae bo kong.

Numera 18:15 Iomraidhean Croise

II. Je Than 12:5

me hamen tavat bihut he ka ve kap ûnyi ge je lahanödrin: me adre me he ka okhötâ je dok ae hmouca hnyi uma, wale je dok ae hmouca adre me he bi ka wâ.

Nehemia 10:37

me otin e he ka hom anyitin je falawa a bân, me anyitin je hut adre kap goranyai me wan haletin je ûö, me waina me wakaco, ka tavat bihut, ka hnyi je hnyeuleny uma umen Khongutin; me je ke keihen a libenyitainy jeûiny könötin kânâ ka at Levi; anyin a haba at Levi ödrin e hom je ke keihen a libenyitainy hnyi ta je taun hia otin e belök hnyin.

Esodo 13:15

ke e höcö Farao hnʼ ohmun, haba Iehova ame hlingâ je atö hia hnyi hnyei Aigupito, a atö lakon at me atö lakon meno: anyin a wale inya oge me hudo ta je nokon a bân kö Iehova, a obaga; ke oge me bi hwaban je atö a lakuk hia.

Esodo 13:2

Okâbâ thö köüya ta je atö hia, a lakon Isaraela adre bân hna hnokoâ, at me meno: wale hobi könya.

Esodo 22:29

U ca he ka becâ ham wan em hnyei, me dân wan halem je ûö. Ke u me be ka ham könya watö a lakom baga.

Esodo 34:20

Ke u me he ka bi hnen nokon asina ge nokon mamoe: ka u je ne ca bi hnen e, me u me he ka thu nyin. Haba lakom baga a bân hia me u me he ka bi hnen. Ke ca he ke at ka manen hnyi hnyimakök ke ba ta ûnyi.

Numera 18:16

Ke haba ta je ûnyi adre me he ka bi hnen, hwân ge at a khaca tehi, me u me he ka bi hnen hoton ûnyi ae ûcû köu, a thabûng ta sekel, hoton sekeliny dok ae kap, (wale twente je gera).

Numera 3:13

anyin a hobi könya lakon hia a bân; ke oge me okabâ könya je atö hia ge lakon Isaraela, at me meno, hnyi bong oge me kot hnyin je atö hia hnyi hnyei Aigupito: hobi könya ödrin; Inya Iehova.

Numera 3:46

Ke haba hnân bi hwaban möt anyin tavat a tu haded ke sevente theri a je atö unyin lakon Isaraela, wale tavat ae nua biju hon ûseiny at Levi,

Deuteronomi 15:19

Haba je lakon a bân ka hnokoâ ge halem je kau, me mamoe, a je baga hia, me u me he ka okabâ kö Iehova Khongom: u me ca he ka kunâ nokon halem kau a bân he ka huliwa, me subâ leûnen nokon halem mamoe a bân.