Numera 18:11 - Iaai Bible 1901 (New Caledonia)

¹¹ Ke walang ânyâm; a hudiny kap goranyai adre ham, wale je hudiny hajijing hia anyin lakon Isaraela: oge hia but ham ta je ûnyi e köu me lakom obaga me wahlu a tha ödrin mou, hnân hwajekhoû nyiele balua: haba tavat hia ae bo so hnyi hnyabam adre me he ka an je ûnyi e.

Numera 18:11 Iomraidhean Croise

Levitiko 10:14

Ke haba ûlainy adre hajijingâ, me jevan adre kap goranyai, öbun e he ka han hnyi ke dok ae so; a u me lakom obaga me wahlu a tha odrin mou: anyin adre ham e hnân âm, me an lakom, adre ham ûnyi hnyi hudiny ole ûnyi ge lakon Isaraela.

Levitiko 7:14

Ke haba khaca hut hnyi je hut hia, me ame he ka hudo hnân hut adre kap goranyai kö Iehova: ke haba at bihut at ame dukâiâ dren je hudiny ole, me, anyin bi e.

Numera 18:1

KE Iehova ame ha kö Arona, ka habe, Hâmâm me lakom, me hnyaban lakâmâm a tha e mou he ka vadren hulöiny dok ae kap: ke hâmâm me lakom a tha ödrin mou he ka vadren hulöiny hanymen bi hut.

Numera 18:10

U me he ka an je ûnyi e helâ me ta je ûnyi ae ti kap; ame he obaga hia ka an je ûnyi e; e kap e hobi köu.

Numera 18:19

Haba je hut hia adre kap goranyai ûnyi hnyi ta je ûnyi ae kap ame he lakon Isaraela ka hudo kö Iehova, me wale oge me ham köu, me lakom obaga me wahlu unyâm, helâ me hwajekhoû nyiele balua: ke wale ûhihinyköuiny sâlt nyiele balua hnyi hnyimakö Iehova, hnân hobi köu, me je mâtrânâm unyâm.

Numera 18:8

Ke Iehova ame ha kö Arona, ka habe, Wâ bi, inya oge hia but ham köu hanymen hudiny kap goranyai könya, a wale je ûnyi ae kap hia ge lakon Isaraela, oge hia but ham köu ta je ûnyi e can hnödra hna hû, me hobi kâu lakom hnân hwajekhon nyiele balua.

Deuteronomi 18:3

Ke walang jekhon tavat bihut ûnyi hnyi hnyei, a ûnyi ge tavat adre me hudo je hut, ame ne bolok, ame ne mamoe, me adre me he ka ham ka at bihut bajebenyin me li wahicen, me tangen han.