Numera 17:5 - Iaai Bible 1901 (New Caledonia)

⁵ Ke haba at oge me he ka ûca, me ame he ka vhong anyin uci: me oge me he ka bi obiny gak je hna ulidri nya ge lakon Isaraela, wale adre me ulidri öbu.

Numera 17:5 Iomraidhean Croise

II. Man Ûlabainy Je Than. 26:16

Kʼ a hwege but e, me ame bi gan hnyekon, me e ame ânyâ ûnyi ae kong, anyin a e ame hanyâûâ hnanyibu anyi Iehova Khongon; anyin a e ame dit ka hnyi uma umö Iehova he ka leû utö ae bo so hon taben leû utö ae bo so.

Ezera 2:62

Hnyat eling ödrin e elâm hna sihnalimidrin hnyi hna sihnalimen je dö, ke so bi adre ca wâ je iödrin: anyin a wale adre me haikongu ödrin me obʼ ödrin me me ca at bihut.

Salamo 105:26

E ame kunö Mose a athnyabainy, Me Arona wale hnen hna ûca.

Esodo 16:7

ke haba hnyi hnyomakatu öbun e he ka wâ soi Iehova; anyin a e ame löng hna etrö Iehova gabun: ke ie li at ohmu, mʼ öbun e he ka etrʼ ohmu?

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Ezekiela 16:41

Ke adre me he ka thong degecâ umâm je uma ge meic, me bi hwaban köu hnyi hnyimakan omomo ae se hia; kʼ oge me he ka thao u mʼ u me ca he hmetu ka bi ûnyi monu, ke u me ca he hmetu ka hawâ at ge hwaban.

Ezekiela 23:27

Helâe oge me he ka bi obiny hwakecâm ae ikiki, me hnam hna bi ûnyi monu, waleji ge ûhem Aigupito: mʼ u me ca he ka bwele ka ta je ûnyi e, me ûnykûme hmetu ka Aigupito.

Hosea 14:5

Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Numera 1:51

Ke ödra ka he ka hom uma mano, me hamen at Levi he ka ai e: ke ödra ka he ka otilâ uma mano, me hamen at Levi he ka otilâ e: ke adre me he ka hlingâ atkanua at ame hakekenyâ e.

Numera 11:1

KE haba tavat helâke adre me ûhaiö, ke e kong e kö Iehova; ke Iehova ame löng, me gan hmâ anyin hmönyin; me ame ubâhlâ hmönyin anyi Iehova unyidra, me an ke ne o but ka hnyi obiny hna hunuma

Numera 16:11

Anyin a wale haba u me je lahiâm, öbun e tot kö Iehova: ke ie Arona mʼ öbun e ulidrö?

Numera 16:5

ke e ame ha kö Kora mödrin hia a tha e mē, ka habe, Nyi ame he Iehova ka omanenâ lahien, me tavat ae i kap, me ohakekenyâ kâu: eke, haba at e ame ûca me e ame he ka ohakekenyâ kâu.

Numera 17:10

Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

Numera 17:6

Ke Mose ame fuc ka lakon Isaraela me anyidra je than hia, mʼ ödrin e ve ham kâu je uci, a ûsa khaca uci anyin ke than me ke than hoton je hnyaban lakamödrin, a twelv je uci.

Numera 17:8

Ke nyi Mose ame didro ka hnyi uma ohnatho; ke wâ bi a vhong ut uci anyi Arona hobi kâu hnyaban at Levi, ke a hlau but, ke vhong je vhongon, me wa but a je wan saked.

I. Korinito 10:10

Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia.

Josua 4:7

Me öbun e he ka thu ködra, ka habe, Anyin adre subâ luâ köien Joridano hnyi hnyimakan tangen ûhihinyköu anyi Iehova: haba hnyi ûen e ame hanyâûâ Joridano, me adre subâ luâ köien Joridano: ke haba je veto ang me hnân oûnykûmeâ lakon Isaraela nyiele balua.