Numera 17:11 - Iaai Bible 1901 (New Caledonia)

¹¹ Ke Mose ame ânyâ helâ me Iehova ame hûna kâu, wale hnen hna ânyâ.

Numera 17:11 Iomraidhean Croise

II. Man Ûlabainy Je Than. 19:10

Ke ka o köbun ke iwatretra ûnyi ge je liamekeiny möbun a hnyat labā anyidrin je taun, ge dra, ame ne hnanyibu, me hna hûna, me hna otilâ, me hna owisa, me öbun e he ka koû ködrin, mʼ ödrin e ca he ka kong kö Iehova, wâ e nye o hmonyin köbun me je liamekeiny möbun: ânyâ thö helâe me öbun e ca monu.

Levitiko 16:15

Ke e ame he ka hlingâ got hnân hudiny hulö hobi kâu tavat, me hom dren ka hnyi hoton singiny mano, me ânyâ dren e helâ me hnen hna ânyâ dren bolok, me dukâiâ e hon taben ibetengiö me hnyi hnyimakan taben ibetengiö:

Levitiko 16:16

ke hamen he ka bi hwaban melen dok ae kap can bo konginy lakon Isaraela, ke can hnödra hna hanyâûâ, me anyidra je monu hia; kʼ ame he ka ânyâ helâe hobi kâu uma ûkhacaköu ame laba unyidra wanben anyidra hulö.

Numera 11:33

Ke tiga e bi utiö hnyi wanben je nyudra, kʼ adre tiga ca um hoc, me ame ubâhlâ thö hmönyin anyi Iehova ka tavat, ke Iehova ame kot tavat ge mok ae gan hmâ.

Numera 17:10

Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

Numera 17:12

Ke haba lakon Isaraela adre me ha kö Mose, ka habe, Wâ bi, ohmun e he but ang ka mok, me hia, me hia hia.