Numera 16:9 - Iaai Bible 1901 (New Caledonia)

⁹ hawa, ûnyi ae ûhnyûkong köbun a gʼ ame hake ip öbun ûnyi hnyi ûkhacaköu anyin at Isaraela hnen Khongon at Isaraela, me ohakekenyi öbun kâu he ka ânyâ huliwa hnyi uma mano anyi Iehova, me tot hnyi hnyimakan ûkhacaköu he ka huliwa ködra;

Numera 16:9 Iomraidhean Croise

Genese 30:15

Me haingen kâu, ha habe, Hawa, ûnyi ae ûhnyûkong e, a u je hia but hûgûnâ öiök ke u me he minya ju ka hûgûnâ je dudai anyin nökuk? Ke haingö Rakela, ka habe, Anyin a wale e ame he ka tha e möu eâu hnyinghet hwaban je dudai anyin nokom.

II. Samuela 7:19

Ke ûnyi ae ûhnyûkong e hnyi hnyimâkâm, Than Iehova; ke so bi u je hia but ha ge lap anyin athnyabaem hobi kâu nyiele; ke hoton hwakecin at eling, Than Iehova!

II. Man Ûlabainy Je Than. 35:3

Me e ame ha ka at Levi tavat ûne ka at Isaraela hia, tavat ae kap anyi Iehova, ka habe, Ip ju tang ae kap hnyi uma a op Solomona nöku Davita than Isaraela; kʼ öbun e ca he hmetu ka vadren: ke walang ang bi athnyabai Iehova Khongubun, me lakeiny a at Isaraela.

Nehemia 12:44

Ke adre me otilâ hnyi bong eling tavat hon je hnyeuleny omjeû, me je hut adre kap goranyai, me je wan a bân, me je ke keihen a libenyitainy, mʼ adre me ûkhacaköu kâu ûnyi hnyi je utkânâiny je taun, je jekhoû hoton hnanyibu hobi kâu tavat bihut me at Levi: anyin a at Juda ödrin e senyin ka tavat bihut me at Levi, tavat huliwa.

Isaia 7:13

Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?

Ezekiela 34:18

Hawa, ûnyi ae ûhnyûkong köbun wale hnobun hna han hnyi sajilat ae so, me öbun e he minya ka utö bi ge cabun kolon anyibun sajilat? ke öbun e ijem je an ae alai, me ohâeâ bi kolon ge je cabun?

Ezekiela 44:16

Adre me he ka dit hnyi anyik dok ae kap, ke adre me he ka hakekeny ka hnyi anyik laulau, mʼ adre me huliwa könya, ke adre me he ka tuö hanymen gak.

Numera 1:53

Ke ame he at Levi ka ve otilâ umödra je uma mano igigilö uma manoiny ohnatho, me me ca ta hmönyin ka hnyi hon ûkhacakoû anyin lakon Isaraela: ke hamen at Levi he ka tuö uma manoiny ohnatho.

Numera 16:13

hawa unyi a ûhnyûkong a u je hum ohmun jem ûnyi hnyi hnyei ame di hnyin debai me hani, he ka hlingʼ ohmun hnyi hnyebuba, ke u je wem minya he ka bi than humun?

Numera 16:8

Ke Mose ame ha kö Kora, ka habe, Öbun na löng ju öbun laku Levi:

Numera 3:6

Hom but jem tribu Levi, me ip ödrin hnyi hnyimakö Arona at bihut, mʼ ödrin e he ka huliwa kâu.

Numera 3:9

Ke u me he ka ham at Levi kö Arona me lakon: adre ham muʼ ödrin kâu ûhedrin unyin lakon Isaraela.

Ta je huliwa 13:2

Ke ödrin e huliwa ka Than, ke ânyâ ca han, me ame ha Hanu Kap, ka habe, Ovesei Saulo thö me Banaba könya hobi kâu huliwa oge me hawʼ ödru kâu.

I. Korinito 4:3

Ke ûnyi ae hâhâ hmonyin könya öbun ka he ka owisö nya bi, me hna owisa hnen at: eke, inya oge me ca ka owisö nya bi.

Deuteronomi 10:8

Haba hnyi ûen eling Iehova ame hake ip tribu anyin at Levi, he ka vadren tangen ûbihinyköu anyi Iehova, he ka tot hnyi hnyimakö Iehova, me huliwa kâu, me hahnahicâ hnyi ien, ke ne o but hnyi bong ang.

I. Samuela 18:23

Me haba lathnyabai Saulo ödrin e ha je hofuc eling hnyi hnyi-könyö Davita. Ke haingö Davita, Hawa, öbun e ûnykûme e hâhâ he ka ûngon than, ke inya at ae ba ta ûnyi kʼ iny ûnyibaû?