Numera 16:48 - Iaai Bible 1901 (New Caledonia)

⁴⁸ Ke e ame tot hnyi ke dok a wanben tavat ae mok me tavat ae möt; kʼ ame so ju mok ae gan.

Numera 16:48 Iomraidhean Croise

II. Samuela 24:25

Ke haba Davita ame otilâ taben bi hut kö Iehova eling, me hudo je hudiny leû, me je hudiny ole. Ke Iehova ame kap je hna khöû hobi kâu hnyei, me ame hia ju mok ae cap unyin at Isaraela.

Salamo 106:30

Ke haba Fineasa ame tot me ânyâ wisa; Me ame todru mok ae cap.

Numera 16:18

Ke ödrin e ve hom anyidrin je taben meic, me ip meic hnyin, me auk ûnyi ae bo so ka hnyin, me ûtitilen hnyi hwanumen uma ûkhacaköu, a tha ödrin me Mose me Arona.

Numera 16:35

Ke ame o but meic ûnyi ga Iehova me le degeci ödrin a tu haded ke fifte, hnyat ödrin e hudo ûnyi ae bo so.

Numera 16:47

Ke haba Arona ame hom helâ me hnö Mose hna ha, me ame wadringâ ka hnyi wanben ûkhacaköu; ke wâ bi ame hia but kû thö mok ae gan unyin tavat: me e ame bi ûnyi ae bo so ka hnyin, me bi hwaban möt anyin tavat.

Numera 16:49

Ke haba tavat a mokcu hnen mok ae gan me ödra fotin thauzan ke seven haded, ke ca ba bi tavat a mok can bongu Kora.

Ioane 5:14

Ke hwaban e Iesu ame wâ e hnyi uma kap, me haingen kâu, ka habe, Wâ bi, adre hia but omeli u, ca mâdrâ hmeto hulö, wâ e nye o but monu ae gan hmâ köu.

I. Thesalonika 1:10

me he ka halubahingen Nokon ûheny hnyi drany, waleji e ame omelö hmetu thö ûheny hnyi hna mok, a Iesu at ame omeli öta ûnyi hnyi hmonyin ame he ka o.

Iakobo 5:16

Anyin a wale, uomanenâköuâ anyibun ta je hulo, ke hic dö ke at hobi kâu ke at, mʼ öbun e he ka möt. E hu troban ae gan hmâ ûnyi hnyi hic hijin at ae wisa hwakecin.