Numera 16:46 - Iaai Bible 1901 (New Caledonia)

⁴⁶ Ke haba Mose ame ha kö Arona, ka habe, Hom dö ânyâm taben meic ûnyi hnyi hon taben hut, me auk ûnyi ae bo so, me ie wadring dö ka ûkhacaköu, me bi hwaban anyidra möt: anyin ame o hmönyin ûnyi ga Iehova; ke ame hwân dö mok ae gan.

Numera 16:46 Iomraidhean Croise

I. Man Ûlabainy Je Than. 27:24

Ke haba Joab nöku Zeruia ame ibi hwân he ka aû, ke a ca umo bi; anyin a can e, ame o but hmonyin ka at Isaraela; ke haba khaca adre ca sihnalimen ûseiny hnyi tusi hnân ha je bong bongu Davita than.

Salamo 106:29

Helâe adre me ohmönyinâ e ge anyidra ta je hulo; Me ame utut mok ae cap kodra.

Salamo 141:2

E so e tethmâ hijik hic hnyi hnyimâkâm helâ me uto ae bo so; Ke hna ogöranyâ li hnyamok, helâ me hut adre me hudo hnyi je sahac.

Levitiko 10:6

Ke haingö Mose kö Arona, me Eleazara, me Ithamara, a li lakon, ka habe, Ca he ka ûöhe je böbun, me khekhe anyibun je ûkhaû, wâ öbun nye mokcu, ke wâ e nye hmönyin ka tavat hia: ke ame he je liamekeiny mʼ öbun, a lap Isaraela hia he ka tengiâ a gʼ adre thong ûnyi ga Iehova.

Levitiko 9:24

Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.

Habakuka 3:5

Ame he but mok ae cap hnyi hnyimakan, Kʼ ame gâ thö je uthmeic hnyi li can.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Numera 1:53

Ke ame he at Levi ka ve otilâ umödra je uma mano igigilö uma manoiny ohnatho, me me ca ta hmönyin ka hnyi hon ûkhacakoû anyin lakon Isaraela: ke hamen at Levi he ka tuö uma manoiny ohnatho.

Numera 11:33

Ke tiga e bi utiö hnyi wanben je nyudra, kʼ adre tiga ca um hoc, me ame ubâhlâ thö hmönyin anyi Iehova ka tavat, ke Iehova ame kot tavat ge mok ae gan hmâ.

Numera 18:5

Ke öbun e he ka tuö hanymen hnyi dok ae kap, me hanymen hnyi taben hut: me me ba hmetu bi hmönyin ka lakon Isaraela.

Numera 25:13

kʼ ame he ka e bi unyin, me je mâtrâniny a hwaban, me me ûhihinyköu he ka at bihut nyiele balua; anyin a e ame ciâ ge Khongon, me bi hwaban möt anyin lakon Isaraela.

Numera 25:8

me e ame he hoton at Isaraela eling ka hnyi hak, me dâoâ li hnyekudru, wale at Isaraela me momo. Me ame todru mok ae cap unyin lakon Isaraela.

Numera 8:19

Oge me ham muâ tavat Levi kö Arona me lakon, ûnyi hnyi wanben lakon Isaraela, he ka ânyâ huliwa anyin lakon Isaraela hnyi uma ûkhacaköu, me bi hwaban möt anyin lakon Isaraela: me me ca he ka mok lakon Isaraela, e ka hakekeny lakon Isaraela ka hnyi dok ae kap.

Deuteronomi 9:22

Ke öbun e ohmönyini Iehova hnyi Tabera, me Masa, me Kiberoth-atava.