Numera 16:4 - Iaai Bible 1901 (New Caledonia)

⁴ Ke a löng ut Mose, me e ame ta ju hnyimakan hnyikânâi:

Numera 16:4 Iomraidhean Croise

Ezekiela 9:8

Ke hnyi ûen ödrin e hlingâ, kʼ oge me hake laba, me oge me ta hnyikânâi me tenge, me ha, ka habe, Ekölö Than Iehova! hawa, u me he ka kot hia je kolon Isaraela, anyin a u me hingâlâ ânyâm hmonyin hon Jerusalema?

Numera 14:5

Me haba Mose me Arona ödru me ta ju hnyimaködru hnyikânâi hnyi hnyimakan tavat hia, wale ûkhacaköu anyin lakon Isaraela.

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Numera 16:45

He thʼ öbu ûnyi hnyi ûkhacaköu eang, mʼ inye he ka ohiʼ ödra hnyi thuthubademak. Me ödru me ta ju hnyimaködru hnyikânâi.

Numera 16:5

ke e ame ha kö Kora mödrin hia a tha e mē, ka habe, Nyi ame he Iehova ka omanenâ lahien, me tavat ae i kap, me ohakekenyâ kâu: eke, haba at e ame ûca me e ame he ka ohakekenyâ kâu.

Numera 20:6

Ke haba Mose me Arona ödru me he ûhedru unyin ûkhacaköu ka hnyi hwanumen uma ûkhacakoû, me ta ju hnyikânâi: me ame manen dut hmanenangi Iehova ködru.

Josua 7:6

Ke haba Josua ame kia anyin je ûkhaû, me ta but hnyikânâi hnyi hnyimakan tang anyi Iehova ke ne o but sahac, a e me wahingatiny Isaraela; ke ödrin e ip dröu hon je bodrin.