Numera 16:15 - Iaai Bible 1901 (New Caledonia)

¹⁵ Me ame ubâhlâ hmönyin anyi Mose, me e ame ha kö Iehova, ka habe, U me ca he ka wâ anyidrin hut: ke ba haledrin asina oge hom, ke oge ca okongo ke at a khaca gadrin.

Numera 16:15 Iomraidhean Croise

II. Samuela 22:22

Anyin oge me vheno je gethen de Iehova, Ke oge me ca saû degecâ bi Khong me be monu but.

Esodo 32:19

Ke ame hakekeny ka hnyi hna hunuma, me e ame wâ nokon kau me biâ, me ame ubâhlâ hmönyin anyi Mose, me e ame khûâ degecâ li veto ae lau ûnyi hnyi li hnyamen, me me hmouca but hmelen bucen.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Numera 12:3

Haba Mose, me wale at ae ti menyik hon tavat hia eang hmelen.

Numera 16:16

Ke haingö Mose kö Kora, ka habe, He but nyi me je lahiâm hnyi hnyimakö Iehova, a u, mödrin, me Arona:

Mataio 5:22

ke inya oge me ha köbun, ka habe, haba at ame hmonyin ka liamekeiny mē ke ba can, me ûcû he ka owisa e; ke haba at ame he ka ha ka liamekeiny mê, i ka habe, Raka, e ûcû he ka hno e hnen tavat ûhnenamö; ke haba at ame he ka ha, ka habe, Mori, me ûcû kâu meicin gena.

Mareko 3:5

Ke e ame mē wâ igigili ödra hnyi hmonyin, ke ame vec can ae khot ta je hnyekudra, me e ame ha ka at, ka habe, Lau but hnyamâm. Ke e ame lau but: me ame so hmetu but hnyamen.

I. Korinito 9:15

Ke oge me ca hnyi ânyâ ke ûnyi hnyi ta je ûnyi e: ke oge me ca sihnalimen minya ta je ûnyi eang, mʼ adre me he ka ânyâ helâe könya: anyin ae so oge me he ka mok, ke kong e he ke at ka oûnyibâûâ hnok hna hobeluâ.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 7:2

Köp öhmun dʼ öbun: e ba at öhmun e hwali kâu, e ba at öhmun e okongoâ, e ba at öhmun e iyawöâ.

Efeso 4:26

Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin:

I. Thesalonika 2:10

Öbun hnyat ohnatho, me Khong minya, a öhmun e ânyâ hwakecin ae kap, me wisa, me ba hnyikongon köbun tavat labageju: