Numera 15:3 - Iaai Bible 1901 (New Caledonia)

³ ke öbun ka he ka bi hut a an ge meic kö Iehova, ame ne hudiny leû, ame ne hudiny thamuö khöbi, ame ne hudiny ibetengiö, ame ne hnyi anyibun je bijeû adre thu, me me bo so kö Iehova, ame ne kau, ame ne mamoe:

Numera 15:3 Iomraidhean Croise

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Ezera 7:17

anyin a wale u me he ka ie ûco hwaban je mone eling je bolok, me je mamoe baga, me je nokon mamoe, me je hudiny han, me je hudiny ic, me hudo hon taben hut hnyi uma umen Khongubun hnyi Jerusalema.

Salamo 54:6

Oge me he ka hudo köu hut ae betenge: Iehova lö, oge me he ka oleâ iâm, anyin ae so.

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Esodo 29:25

Ke u me he ka hom je ûnyi e ûnyi hnyi je hnyamödrin, me le hon taben hut hnân hut adre le, e me bo so hnyi hnyimakö Iehova.

Esodo 29:41

Ke haba ke mamoe u me he ka hudo hnyi sahac me ânyâ hobi kâu helâ me hudiny han hnyi hnyomakatu, me helâ me hudiny ic, me me bo so, wale hut a an hnen meic kö Iehova.

Levitiko 10:13

ke hamöbun he ka han e hnyi ke dok ae kap, anyin a wale âm, me an li lakom, ûnyi hnyi je hut a an ge meic kö Iehova: anyin adre hûna helâe könya.

Levitiko 27:2

Ha thö ka lakon Isaraela, me ba ködra, ka habe, E ka he ke at ka bi khöbi ae ûnyi hnathu, ame he ka hobi kö Iehova je hnyat hoton ûnyi ae ûcû köu.

Levitiko 7:16

Ke ame ne khöbi, ame ne hudiny ibetengiö anyin hut, me adre me he ka han e hnyi bong adre hudo hnyin anyin hut: ke bong nyi adre me he ka an kolon:

Numera 28:27

ke öbun e he ka hudo hudiny leû ae bo so kö Iehova; a lo li nak bolok, ke khaca mamoe baga, ke seven lakon mamoe baga a khaca hunainy;

Numera 29:8

ke öbun e he ka hudo hudiny leû kö Iehova me me bo so: a khaca nak bolok, ke khaca mamoe baga, ke seven lakon mamoe baga a khaca hunainy: a je meno ae ba hnyikongon:

Numera 6:15

me tang areto adre ca levenâ, je ong areto adre ûthûeniken me wakaco, me je areto ae halelöu adre ca levenâ kʼ adre khino wakacoiny, me hudiny han, me hudiny ic.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

II. Korinito 2:15

Anyin a öhmun ang bunen ae hnebwia anyin Keriso ka Khong can tavat adre omelö, ke tavat adre me hnaûhango;

II. Korinito 2:16

haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Deuteronomi 12:11

awe, haba dok ame he Iehova Khongubun ka ûca hnân umen ien bi; me öbun e he ka hom kâ e ta je ûnyi oge hûna köbun; wale je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun ta je khöbi hia ae ûnyi hnathu kö Iehova:

Deuteronomi 12:17

U me ca he ka han hnyi ânyâm je lap je ke keihen a libenyitainy ânyâm hwit, me ânyâm waina, me ânyâm wakaco, me nokon halem kau a bân, me mamoe, me ânyâm je khöbi wale u je bi khöbi, me ânyâm je hudiny ibetengiö, me hudiny kap goranyai hnyi hnyamâm:

Deuteronomi 12:6

ke öbun e he ka hom kâ e anyibun je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun je khöbi, me anyibun je hudiny ibetengiö, me je nokon a bân hnyi halebun je kau me mamoe:

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.