Numera 15:21 - Iaai Bible 1901 (New Caledonia)

²¹ Öbun e he ka ham kö Iehova hudiny kap goranyai ûnyi hnyi anyibun; salawa a bân hnyi anyibun ta je dö.

Numera 15:21 Iomraidhean Croise

Nehemia 10:38

Ke ame he at bihut a mâtrâni Arona ka tha e me at Levi, e ka he at Levi ka hom je ke keihen a libenyitainy: kʼ ame he at Levi ka hom ke keihen a libenyitainy ûnyi hnyi je ke keihen a libenyitainy ka hnyi uma umen Khongutin, ka hnyi je hnyeule ka hnyin uma omjeû.

Esodo 23:19

U me he ka hom ka hnyi uma umo Iehova a Khongom ta je jeû a bân ûnyi hnyi kânâm kânâ. Ke ca he ka ölâ nokon got hnyi dân basin hinyen.

Esodo 29:28

ke wale jekhö Arona me lakon unyin lakon Isaraela nyiele balua: anyin a e hut adre kap goranyai: ke ame he ka hnân hut adre kap goranyai unyin lakon Isaraela ûnyi hnyi anyidrin je hudiny ûsoköu, wale anyidra hut adre kap goranyai kö Iehova.

Ezekiela 44:30

Ke hobi kâu tavat bihut je ûnyi a bân hnyi ta je wan a bâniny ta je ûnyi hia, me ta je bwihlanyin hia ta je ûnyi hia öbun e ânyâ me bwihlany: öbun e he ka ham minya je falawa a bân adre tiga op ka at bihut, me me mokut hon umöbun je uma hnahic.

Levitiko 23:14

Ke ca he öbun ka han areto, me hwit adre lo, me je ihwit ae but, ke ne o but bong eling, öbun e he ka hom hut ka Khongubun hnyin: wale; hnanyibu nyiele balua, hnyi anyibun ta je dö hnyi je hnyababun.

Numera 15:20

Öbun e he ka hudo ke ong areto ûnyi hnyi anyibun salawa a bân hnân hudiny kap goranyai: öbun e he ka kap e goranyai helâ me hnobun hna kap goranyai hut ûnyi hnyi hna uja hwit.

Numera 15:22

Ke öbun e ne haû, me ca ânyâ bi je hnanyibu hia eang wale a ha Iehova kö Mose,

Numera 18:26

U me he ka ha ka at Levi, me ha ködrin, ka habe, Öbun ka he ka hom ûnyi ge lakon Isaraela ke keihen e libenyitainy wale oge ham köbun ûnyi gadra hnân hwajekhoû, me öbun e he ka hudo ûnyi gan hudiny kap goranyai kö Iehova, wale ke keihen a libenyitainy ûnyi hnyi libenyitainy.