Numera 14:8 - Iaai Bible 1901 (New Caledonia)

⁸ Ame ne senyin köta Iehova, me e ame he ka hum ota ka hnyi hnyei, me ham köta; a hnyei ame di hnyin debai me hani.

Numera 14:8 Iomraidhean Croise

II. Samuela 22:20

E ame hum nya minya ka hnyi dok ae gan: E ame omeli nya, anyin a e ame senyin könya.

I. Je Than 10:9

Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

II. Je Than 18:32

ke ne o but oge me o me hum öbun ka hnyi ke hnyei helâ me ibun, a hnyei ae hu hwit me waina, hnyei ae hu areto me je hnyei vine, hnyei ae hu wakaco elaio me hani, mʼ öbun e ka möt, me ca he ka mokcu: ke ca he öbun ka ling Hezekia, e ka cubic öbun me ha, ka habe, Iehova ame he ka omeli otin.

Salamo 22:8

Hnö u thö kö Iehova; hamen bi he ka omelo e: Hamen he ka omelo e, anyin a e ame senyin kâu.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Numera 13:27

Ke ödrin e thumeto e, ka habe, Ohmun e o but ka hnyi hnyei u je kunʼ ohmun ka hnyin, ke e hnathu ame di ge debai me hani; ke walang waniny.

Numera 16:14

Ke haba khaca, u je ca hia but hum ohmun ka hnyi hnyei ame di hnyin debai me hani, kʼ u me ca ham köhmun hwajekon a ihmun me ihmun hnyei vine: hawa, u me he ka owadruâ tavat eang? awe ohmu me ca he ka he.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Deuteronomi 10:15

Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

Josua 14:12

Anyin a wale ham könya bucen eang, wale Iehova ame ha gan hnyi bong eling; auyin a u je long hnyi bong eling a ka eling at Anaka, me je taun ae gan adre up haginy: me ame ne he la Iehova ka tha e mönya, me oge me he ka obʼ ödrin helâ me Iehova ame ha.