Numera 14:5 - Iaai Bible 1901 (New Caledonia)

⁵ Me haba Mose me Arona ödru me ta ju hnyimaködru hnyikânâi hnyi hnyimakan tavat hia, wale ûkhacaköu anyin lakon Isaraela.

Numera 14:5 Iomraidhean Croise

Genese 17:3

Ke Aberama ame ta hnyimakan hnyikânâi: ke Khong ame ha hofuc kâu, ka habe,

I. Je Than 18:39

Ke ame wâ e hnen tavat, me ödrin e ta hnyikânâi, me ha, ka habe, Iehova, Khong.

I. Man Ûlabainy Je Than. 21:16

Ke Davita ame bwele goranyai me wâ angela anyi Iehova ame tot hnyi wanben hmeledrany me drany, ke e hnyi hnyamen hele vat adre oc me hai hon Jerusalem. Me ame ta hnyikânâi Davita me wahingat kʼ ödrin e khavâ mano ae gan nân.

Ezekiela 9:8

Ke hnyi ûen ödrin e hlingâ, kʼ oge me hake laba, me oge me ta hnyikânâi me tenge, me ha, ka habe, Ekölö Than Iehova! hawa, u me he ka kot hia je kolon Isaraela, anyin a u me hingâlâ ânyâm hmonyin hon Jerusalema?

Daniela 10:9

Ke so bi oge me long ifucin: he inya oge me tiga long ifucin, me oge me mokut hnying ut, kʼ ame hnyimakök hnyikânâi.

Levitiko 9:24

Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.

Numera 14:6

Ke haba Josua nöku Nuna, me Kaleba nöku Jefuna, ödre hnyi ecmâkâ hnyei, me, ödru me kia but anyidru je ûkhaû:

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Numera 16:4

Ke a löng ut Mose, me e ame ta ju hnyimakan hnyikânâi:

Numera 16:45

He thʼ öbu ûnyi hnyi ûkhacaköu eang, mʼ inye he ka ohiʼ ödra hnyi thuthubademak. Me ödru me ta ju hnyimaködru hnyikânâi.

Numera 17:10

Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

Numera 20:6

Ke haba Mose me Arona ödru me he ûhedru unyin ûkhacaköu ka hnyi hwanumen uma ûkhacakoû, me ta ju hnyikânâi: me ame manen dut hmanenangi Iehova ködru.

Mataio 26:39

Me e ame he ka hnyi dok ae hakekeny, me ta ju hnyikânâi, me hic, me ha, ka habe, Cica lö, a ne ca pason, ö u ohia but utk… eang gak: ke so bi e ca hamök, ke ka… mâm bi.

Josua 5:14

Ke e ame thu, ka habe, E ba, anyin a oge o hnân taben je utbavat anyi Iehova. Ke Josua ame ta ju hnyikânâi, me nom ju, me ha kâu, ka habe, Ieû hofuc hwan tuhok ka athnyabainy?

Josua 7:10

Ke Iehova ame ba kö Josua, ka habe, Höhöi thö; ieû gam u me mokut hnyimâm hnyikânâi helâe?

Hna Omanenâ 4:10

me ame he wahingat a twente foa ka ta but hnyi hnyimakan at ame tabâ theron, me khudrung kâu, waleji at ae möt nyiele nyiele balua, me khûâ anyidrin je korona hnyi hnyimakan theron me ha, ka habe,

Hna Omanenâ 5:14

Ke haingen vak ta ûnyi ae möt, ka habe, Amen. Me ame ta ju wahingat me khudrung.

Hna Omanenâ 7:11

Ke haba ta je angela, me adre me ûtitilen igigilo theron, me igigilo wahingat ke ta je ûnyi ae möt a vak; me adre me ta ju hnyi hnyimakan theron me khudrung ka Khong,