Numera 14:43 - Iaai Bible 1901 (New Caledonia)

⁴³ Ke wala at Amaleka me at Kanana hnyi hnyimaköbun, kʼ öbun e he ka ta ge hele vat; anyin a öbun e hmetu ûnyi ga Iehova, me waleling ame ca he Iehova ka tha e möbun.

Numera 14:43 Iomraidhean Croise

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Salamo 44:10

U je ohmetubmetu ohmun ûnyi ge je iwahnaihmiöny, Me ame he tavat adre me hûköti ohmun ka söh hobi kodra bi.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Hosea 9:12

Eja ke ne adre ne hat je lakudra, me oge me he bi nya ka ohiʼ ödra unyin tavat, me me ba hmetu at a kolon: eke, ekölö gadra bi, iny ka he ka digic ödra!

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Numera 13:29

Kʼ ame laba Amaleka hnyi ke keihen ka hnyi Hwaiöu: ke haba hnyi je bucen ame laba hnyat Heth, me Jebusi, me Amora: kʼ ame laba at Kanana hnyi hobat köiö me hnyi baten Joridano.

Numera 14:25

Haba at Amaleka me Kanana adre me laba hnyi hnyigöulen bucen: ke haba nyi öbun e he ka hwiö me he ka hnyi hnyebuba, gethen ka hnyi Köiö ae Dra.

Numera 14:42

Ca ölʼ öbun, anyin a ca e unyibun Iehova, wâ e nye kuc öbun hnen je iwahnaihmiony möbun.

Numera 14:44

Ke hwege hnyimaködra he ka i öliâ bucen: ke so bi ame ca he ûnyi hnyi hna hunuma tangen ûhihinyköu anyi Iehova, me Mose.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

Josua 22:15

Ke ödrin e o but ka laku Reubena, me laku Gada, me hafiny tribu Manase hnyi hnyei Gileada, me ha ködrin ka habe,

Josua 7:12

Anyin a wale e ca khana lakon Isaraela he ka tot hnyi hnyimakan je iwahnaihmiony mödrin, ödrin e wia je judrin ka je iwahnaihmiony mödrin, anyin a ödrin e hnaûhango but: ke oge me ca he hmetu ka tha e möbun, öbun e ne ca degec ûnyi adre hake ip unyibun.

Owisa 16:20

Ke e ame ha, ka habe, Samasona at Filisiti but ang. Me e ame hmak dö ûheny hnyi hna mokut, me ha, ka habe, Oge me he ka didrut helâ me je ûen ehac, me inye lilöhlöu but, Ke ca khana a ga hiö Iehova but unyin.