Numera 14:21 - Iaai Bible 1901 (New Caledonia)

²¹ Ke kia inya inya a g ame he ka unöngöt hmeledrany hia ge hmanengi Iehova;

Numera 14:21 Iomraidhean Croise

Salamo 57:6

Adre hia but penapena hnewe hobi kâu li cak; Ame hlec hnyikânâi hanuk: Adre hia but hiny thop hnyi hnyimakök; Adre me ka ta hmetu but eû hnyi hnyin e. [Sela.

Salamo 72:19

Ke so adre haisoâ ien ae hmanenang nyiele balua; Ke so e unöngöt hmeledrany hia thithö ge anyin hmanenang. Amen me Amen.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Jeremia 22:24

Kia inya haingö Iehova, eja ke ne a ne hnân okeceâ haten hnyi hnyam a metök könya jia Konia nöku Jehoiakima than Juda, oge me he ka oc degeci u e;

Ezekiela 18:3

Haingen Than Iehova, ka habe, KA inya inya a öbun e ca he hmetu ka ha ûhöûcû e hnyi Isaraela.

Ezekiela 20:36

Oge ivinö me lakamöbun hnyi hnyebubainy hnyei Aigupito, helâe oge me he minya ka ivinö möbun, haingen Than Iehova.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 33:27

Walang hofuc u me he ka ha kodra, ka habe, Walang hna ha hnen Than Iehova, ka habe, Kia inya inya a haba ödra hnyi je dok ae hwahwacit adre me he ka ta ge hele vat, ke haba at ae hnyi ta hnyei, oge me he ka ham e ka je meno me me an e, ke haba ödra a ödra hnyi je hnabâ me je op, adre me he ka mekiny mok ae cap.

Ezekiela 5:11

Anyin a wale, kia inya, haingen Than Iehova, e hnathu anyin a u je okongoâ anyik dok ae kap ge ânyâm ta je ûnyi hia ae kong, me ânyâm ta je ûnyi ae ikiki hia, anyin a wale, oge me he bi nya ka oûhnyûkongu u; ke oge me ca he ka hok hnyok, ke haba khaca, oge me ca he ka betenge.

Habakuka 2:14

Anyin ame he ka unöngöt hmeledrany ge hna wâhmakhmetoâ hmanenangi Iehova, helâ me köiö ame tube je taben e.

Zefania 2:9

Anyin a wale, haingö Iehova tuhan sabaoth, Khongu Isaraela, ka habe, Kia inya inya a gʼ ame he Moaba ka ûcû me Sodoma, kʼ ame he lakon Amona ka ûcû me Gomora, a iny jut vhat, ke thopiny sâlt, ke ba wan nyiele balua: kʼ ame he je kolon lakeik ka sei ödra, ke ame he je kolon hnyi ik hnyei ka hwöhwabödra.

Numera 14:28

Ha thö ködra, ka habe, Haingö Iehova, kia inya inya oge me he ka ânyâ köbun helâ me hnöbun hna ha hnyi li hnyikönyök:

Mataio 6:10

E so e o but dokhom dokhu. E so adre me ânyâ wem eang hmeledrany e me ûcû me ethö hnyi drany.

Deuteronomi 32:40

Anyin a oge me ogöranyâ hnyamok ka i hnyi drany, Me ha, ka habe, Inya oge me möt balua,