Numera 13:32 - Iaai Bible 1901 (New Caledonia)

³² Ke ödrin e haikongoâ hnyei ödrin e ecmâkâ ka lakon Isaraela, me ha, ka habe, Haba hnyei ohmun e vheno me ecmâkâ, me hnyei ame ohia aten, ke haba tavat hia ohmun e wâ eling, me tavat ae beû.

Numera 13:32 Iomraidhean Croise

II. Samuela 21:20

Ke e hu vat hmetu hnyi Gatha, ke eling at ae beû hmâ, ke ûsa siks je banyen hnyi li hnyamen, me siks je bacan hnyi li can, wale twente foa ûseiny; ke ame hnokoâ minya e hnen at ae beû.

I. Man Ûlabainy Je Than. 20:6

Ke e hu hmetu vat hnyi Gatha ke eling at ae ti beû, ke ûsa siks je banyen me je bacan, a twente foa hia; ke e nokon at ae beû.

Salamo 106:24

Eke, adre me hmiödra hnyei ae hmanenang, Kʼ adre me ca kap bi hwan hofuc:

Ezekiela 36:12

Eke, oge me he ka ovheno tavat hubun, wale lakeik a Isaraela; ke adre me he ka hum u me idra, ke u me he ka hnân jekhoûdra, ke u me ca he hmetu ka oba lakudra.

Amosa 2:10

Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Amosa 2:9

Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.

Numera 13:28

Ke so bi e hwege tavat a idra hnyei, ke adre up haginy je taun, ke e ti gan: ka ohmun e wâ eling je laku Anaka.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Deuteronomi 1:28

Ate me ölö ua? haba je liamekeiny möta ödrin e oköiâ je hnyekuta, haingödrin, ka habe, E gan hmâ tavat me beû huta; ke gan hmâ je taun adre up haginy ke ne o but ka hnyi drany; ke haba khaca ohmun e wâ eling je laku Anaka.