Numera 13:22 - Iaai Bible 1901 (New Caledonia)

²² Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Numera 13:22 Iomraidhean Croise

Genese 13:18

Me Aberama ame oc umen uma mano, me o but me laba hnyi sawajo anyi Mamere, wale hnyi Heberona, kʼ ame otilâ eling ke taben hat kö Iehova.

Genese 23:2

Ke a mokcu Sara hnyi Kiriath-areba (wale Heberona) hnyi hnyei Kanana: ke ame o but Aberahama he ka hnyamok me tenge ga Sara.

II. Samuela 2:1

KE hwaban e Davita ame hnö ga Iehova, ka habe, Hawa oge me he ka he hnyi ke je taun anyin at Juda? Ke Iehova ame ha kâu, ka habe, He thö. Ke Davita ame ha, ka habe, Oge ma he kâ? Haingen, ka habe, Heberona.

II. Samuela 2:11

Ke haba ûen ame musi hnyi Heberona Davita hon lap anyi Juda, me seven je huna ke siks ta tehi.

II. Samuela 21:16

Ke haba Isebi-benobe, wale hanen lakon at ae beû, ke kun ta haded sekel bras ihmakiny dân ö, ke adre oweikâ e ge hele vat ae teb ûnyi, e ame ûnykûme he ka kuc Davita.

Salamo 78:12

E ame ânyâ ta je ûnyi hnân lâiâ hnyi hnyimakan lakamödra, Hnyi hnyei Aigupito, hnyi ta hnyei hnyi Zoana.

Salamo 78:43

Me hnen hna otilâ hnyi Aigupito anyin ta je haten, Me anyin ta je ûnyi hnân lâiâ hnyi ta hnyei hnyi Zoana;

Isaia 19:11

E ti monu but je thaniny Zoana; ke ûhnenamöiny tavat ae nua metâ he ka ha bongon unyi Farao ödrin e monu but: ieû gabun öbun e ha kö Farao, ka habe, Inya nokon at ae metâ, nokon je than kâû adrem?

Isaia 19:13

A monu but je thaniny Zoana, adre iyawâ je thaniny Nofi; haba je taben je tribuiny, adre hia but omonoâ Aigupito.

Isaia 30:4

Anyin a e hnyi Zoana je tuhan, ke ame o but hnyi Hanes anyin ta je ûthumetu.

Numera 13:17

Ke Mose ame kunʼ ödrin he ka ecmâkâ hnyei Kanana, me ha ködrin, ka habe, Öbun e he ka ölö hnyi Hwaiöu, ke öliâ thö je bucen:

Numera 13:28

Ke so bi e hwege tavat a idra hnyei, ke adre up haginy je taun, ke e ti gan: ka ohmun e wâ eling je laku Anaka.

Numera 13:33

Ke ohmun e wâ eling ta je hmai ae beû hmâ, a je laku Anaka, a mâtrâniny je hmai ae beû, ke ohmun helâ me je wahamon hnyi hnyimaköhmun, ke helâe minya hnyi hnyimaködrin.

Deuteronomi 9:2

a tavat ae gan me beû, je laku Anaka, tavat ae khanö u, kʼ u je löng hnödra hna ha gadra, ka habe, Ie at ame he ka tot hnyi hnyimakan je laku Anaka?

Josua 10:36

Ke Josua ame tha he me at Isaraela hia thithö ûheny Egelona, Heberona ai, me vat mē:

Josua 21:13

Ke adre me ham ka laku Arona at bihut Heberona me je utkânâ igigilo, wale taun hnân lubaduöng hnyin at ame hlingâ at, me Libena me je utkânâiny;

Owisa 1:10

Ke Juda ame he ka at Kanana adre me laba hnyi Heberona: (ke haba ien Heberona ehac me Kiriath-areba:) me odrin e kot Sesai, me Ahiman, me Talemai.

I. Samuela 30:31

me ködrin knyi Heberona, me ködrin hia thithö wale hnö Davita me anyin tavat hna labö he kâu.