2 Kunâ ke je hnyat he ka ecmâkâ hnyei Kanana, wale oge ham ka lakon, Isaraela: öbun a he ka kunâ ûsa khaca ûnyi hnyi je tribu hia anyin lakamödrin, a je than hia.
Ke Mose ame ûca hnyat ae metâ unyin at Isaraela hia, me otilʼ odrin me je homakan tavat, a je taben thauzan, me je taben haded, me je taben fifte, me je taben libenyita.
Haba Iehova ame ha kö Mose, ka habe, Ûkhacaköuâ thö könya je hnyat a sevente, a wahingatiny at Isaraela, wale u me wâhmakhmeto a wahingatiny hnyei, me homakan hnyei; ke hum ödrin ka hnyi uma ûkhacaköu, mʼ ödrin e he ka tha tot mou eling.
Waleling me oge me hom ta je taben anyibun je tribu, tavat ae metâ, adre wâhmakhmeto, me otilʼ ödrin hnân je homakan köbun, a je taben thauzan, me je taben haded, me je taben fifte, me je taben ten, me tavat musi, hoton anyibun je tribu.
Ke hnyi ûen Iehova ame kunʼ öbun ûheny Kadesi-banea, kʼ ame ha, ka habe, Ölö thʼ öbun, me hom hnyei oge me ham köbun; me öbun e hanyâûâ musi anyi Iehova Khongubun ke öbun e ca labageju kâu, me löng hwan hofuc.