Numera 13:17 - Iaai Bible 1901 (New Caledonia)

¹⁷ Ke Mose ame kunʼ ödrin he ka ecmâkâ hnyei Kanana, me ha ködrin, ka habe, Öbun e he ka ölö hnyi Hwaiöu, ke öliâ thö je bucen:

Numera 13:17 Iomraidhean Croise

Genese 12:9

Ke Aberama ame hok tot ka hnyi Hwaiöu.

Genese 13:1

HABA Aberama ame he but ûheny Aigupito, e, me âiân, me anyin ta je ûnyi hia, me Lota minya, ka hnyi Hwaiöu.

Genese 13:17

Todrö, vheno thö hnyei hnyi ibeûen me ûlauen; anyin oge me he ka ham e köu.

Genese 13:3

Ke e ame hok tot ûheny hnyi Hwaiöu ke ne o but Bethela, ka hnyi dok adre ip umen uma mano hnyin a bân, wanben Bethela me Ai;

Genese 14:10

Ke unöngöt Sidima hnyigöulen bucen ge ta je op hmudra; ke a kec ut li than Sodoma me Gomora, ke adre me ta ju eling, ke haba je kolon adre me kec ka hnyi bucen.

Numera 13:18

me wâ hnyei habe ehö; ke tavat adre labā, hawa ödra tavat ae hwege, ame ne tavat ae ngâ, ame ne tavat ae se hia ame ne wakhalet thibi;

Numera 13:29

Kʼ ame laba Amaleka hnyi ke keihen ka hnyi Hwaiöu: ke haba hnyi je bucen ame laba hnyat Heth, me Jebusi, me Amora: kʼ ame laba at Kanana hnyi hobat köiö me hnyi baten Joridano.

Numera 14:40

Ke adre me vesâkong, me öliâ bucen, me ha, ka habe, Walʼ ohmun ang, ke ohmun e he ka he ka hnyi hnyei ame ha Iehova, anyin ae kong hwakecihmun.

Deuteronomi 1:44

Me ame o but at Amora, tavat adre me labâ bucen eling, he ka vat möbun, me hnu öbun, helâ me je bi adre me ûhnûhnû, me kuc öbun ke ne o but hnyi Seira, me he ke ne o but Horema.

Josua 10:40

Me haba Josua ame kot hnyei hia ae hu buceniny, me hnyi Hwaiöu, me hnyei ae ca hut, me je hwatapkolu, me je thaniny hia thithö; e ba kolon e ame hna: ke e ame ohia ta je ûnyi hia ae hu homenâ, helâji me Iehova Khongon at Isaraela ame hûna.

Josua 15:3

kʼ ame he ka hnyi hwaiöu ke ne o but hnyi gethen ame he Akerabima ai, kʼ ame he bala Zin ai me he ka hnyi hwaiöuiny Kadesi-banea, me he Hezerona ai, me Adara ai, kʼ ame khenyi ke ne o but Kareka:

Josua 2:1

KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Owisa 1:15

Ke haingen, ka habe, Ham but könya hnahic; u je hia but ham könya hnyei ka hnyi Hwaiöu, anyin a wale ö u ham könya je an ame pupua. Me Kaleba ame ham kâu je an ame pupua walethö me eû.

Owisa 1:19

Ke o bi Iehova unyi Juda; me e ame obâ tavat odrin e laba hnyi hnyei ae hut; ke ca khana bi he ka obâ tavat odrin e laba hnyi hnyigöulen bucen, anyin ae hu gadrin je kariota fao.

Owisa 1:9

Ke hwaban e laku Juda odrin e he me vat me at Kanana tavat adre me laba hnyi hnyei ae hut, me hnyi Whaiöu, me hnyi hnyei ae ca hut.