Numera 12:6 - Iaai Bible 1901 (New Caledonia)

⁶ Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.

Numera 12:6 Iomraidhean Croise

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 20:7

Anyin a wale, he thö u ka hna hmetu momo ka âiân: anyin a e perofeta, kʼ ame he ka hic hobi köu, me u me he ka möt: ke u je ne ca he ka hna hmetu, wâhmakhmeto ju a u me he ka mokcu, u bi, me je waem hia.

Genese 28:12

Ke e ame bwi, me wâ bi ke wacûat adre otilâ hon kânâ, kʼ ame kâlâ thö ethö drany ke hnyiban e: ke wâ bi ame ölö me utut hnyin ta je angela anyin Khong.

Genese 28:16

Ke Jekob ame hmak dö ûheny hnyi hna mokut, me e ame ha, ka habe, E hnathu Iehova hnyi dok ang; ke ca khanö nya but.

Genese 37:5

Ke Josefa ame bo ke bwi, me e ame thumeto latuhan; me ödrin e hûkötiâ hmönyinâ e.

Genese 37:9

Ke e ame bo hmetu ke bwi, me ha e ka je latuhan, ka habe, Wâ bi, oge bo hmetu ke bwi; ke wâ bi, ame khudrung könya seûnö me tehi me je okhû a libenyita me nua khaca.

Genese 46:2

Ke Khong ame ba kö Isaraela hnyi hna omanenâ hnyi hnyinghet, ka habe, Jekob, Jekob lö. Me e ame ha, ka habe, Inya ang.

II. Samuela 7:4

Ke haba hnyi lit eling, me ame o but hofuc ho Iehova kö Nathana, ka habe,

I. Je Than 3:15

Ke ame hmak dö Solomona, me wâ bi, ame bwi: ke e ame o Jerusalema ai me tot hnyi hnyimakan tangen ûhihinyköu anyi Iehova, me hudo je hudiny leû, me je hudiny ole, me ânyâ bijeû ka lathnyabainy hia.

I. Je Than 3:5

Ke Iehova ame manen kö Solomona hnyi Gibeona hnyi bwi hnyi hnyinghet: ke ame ha Khong, ka habe, Sumâtâ thö ûnyi oge me he ka ham köu.

Jobu 33:15

Hnyi bwi, me hna omanenâ hnyi hnyinghet, Hnyi ûen ame mokut hnying tavat, Me leleû hon hna mokut;

Jobu 4:13

Hnyi ta je hna ûnykûme hnyi je hna omanenâ hnyi hnyinghet, Hnyi ûen ame ta but mokut hnying hon tavat,

Salamo 105:15

Haingen, ka habe, Ca he ka kâlâ hnok ta je hna hû, Ke ca okongo anyik ta je perofeta.

Salamo 89:19

U je ha eji ka latâm ae kap deny hna; omanenâ, Haingâm, ka habe, Oge hia but ip ûhadruo unyin at ae hwege; Oge hia but ogöranyâ hna ûca unyin tavat.

Esodo 7:1

KE Iehova ame ha kö Mose, ka habe, Wâ bi, oge hia but otilö u hnân khong kö Farao: kʼ ame he tuhâm jia Arona ka perofeta unyâm.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Ezekiela 1:1

HNYI huna a thote, hnyi tehi a vakiny, ke hnyi bong a thabûnginy tehi, ke tha inya me je bâ hnyi wagewe Kebara, me ame hmouca but drany, me oge me wâ je hna omanenâ ûnyi ge Khong.

Daniela 10:8

Me hake inya biju me oge me wâ hna omanenâ eling ae gan, ke ba hmetu bi hwegiök: ke adre wia anyik hmanenang me oge me kong ut, ke ba but hwegiök.

Daniela 2:19

Me adre me omanenâ kö Daniela hnyi hna omanenâ huyi lit ûnyi eling ae iyong. Me haba Daniela ame haisoâ Khongon drany.

Daniela 7:1

HNYI huna a bâni Belesaza than Babulona, Daniela ame bwi, ke hu ûnyi ame manen kâu hon hnen hna mokut: me e ame sihnalimen bwi, me ha önyen ta je ûnyi.

Daniela 8:2

Ke inya oge me wâ hnyi hna omanenâ; ke hnyi ûen oge me wâ, me oge me laba hnyi Susani hnyi uma umen than hnyi ke keihen hnyei a Elama; ke oge me wâ hnyi hna omanenâ, ke inya but hnyi wagewe Ulai.

Hosea 12:11

E kong ut Gileada? e hnathu ödra ûnyi baû; adre me hudo je bolok hnyi Gilegala: eke, haba anyidra je taben hut me helâ me je! vetaûnyi hnyi je deny utetebelökiny ta! hnyei.

Joela 3:1

ANYIN a wâ bi, haba hnyi je bong eling ke ûen eling, iny ka he ka hom hmetu je bâ wale a at Juda me Jerusalema,

Zakaria 1:8

Oge me wâ hnyi hnyinghet, ke wâ bi at ame tabâ hors ae dra, ke e ame tot hnyi wanben je ûö adasi hnyi dok ae hwaelu; ke hwaban e je hors ae dra, ke hngingidra, ke hau.

Numera 24:4

Haingen at ame löng je hofuc hwan Khong Kʼ ame wâ hna omanenâ ge Ataekhanahia, Ke e ame ta hnyikânâi, me bwela bi li emakan:

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Mataio 2:19

Ke a mokcu Heroda, me wâ bi, ame manen dut angela anyin Than kö Josefa hnyi bwi hnyi hnyei Aigupito,

Mataio 23:31

Waleling me öbun ka ohnathu öbun bi a öbun lakon tavat adre me hlingâ ta je perofeta.

Mataio 23:34

Wâ bi, inya oge me kunâ köbun ta je perofeta me tavat ae metâ, me hnyat sihnalimen: ke öbun e he ka hlingâ me osatauroâ keihen gadrin, ke öbun e he ka osoâ keihen hnyi umöbun je sunago, me sedʼ Ödrin ûnyi hnyi ke taun ka hnyi ke taun:

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Mataio 27:19

Ke e ame tiga laba hon taben owisa, ke haba âiân ame ûkhûnöng kâu he ka ha, ka habe, Ca he bi u ka ânyâ ke ûnyi ka at e ae wisa: anyin a oge hia but ibiose vec gan hnyi bong ang hnyi bwi.

Luka 1:11

Ke wale ame manen dut kâu angela anyin Than, ame tot hnyi ke keihen a metân taben le uto ae bo so hnyin.

Luka 1:22

Ke e ame didrut me ca khana but fuc kodra: me adre me wâ ae hu ûnyi a manen kâu hnyin uma kap: ke e ame labö hmâhmâ kodra ke hum bala bi.

Luka 20:6

Ke ate ne ha, ka habe, Ûnyi ge at; me ame he tavat hia thithö ka lûʼ öta ge veto: anyin ae manen ködra a perofeta Ioane.

Ta je huliwa 10:11

me e ame wâ drany adre khong, me tang ame utut, helâ me mano ae gan adre j me hnahna ka hnyi hmeledrany hnyi ta ʼ baten a vak:

Ta je huliwa 10:17

Ke haba Peteru ame tiga ûnykûme loloâ bongon hna omanenâ e ame wâ, wâ bi, hnyat a kunʼ ödrin Konelio, ödrin e elâm uma umo Simona, ke Ödrin e tot hnyi homagöule,

Efeso 4:11

Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne;

Deuteronomi 18:15

Ke ame he Iehova Khongom ka oâ köu perofeta ae ûcû mönya ûheny unyâm a ûnyi ge je liamekeiny mou; mʼ öbun e he ka löng kâu;

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.

Heberu 1:1

HABA Khong, at ame ha adrem ka lakamöta a deny ta je perofeta hnyi je hofuc ae ve bongon, ke je deny ae ve bongon,

Hna Omanenâ 11:10

Ke haba tavat adre me laba eang hmeledrany, me adre me senyin gadru me hobâ; ke adre me he ka ûhamköuâ ta je bwihlany; anyin a li perofeta eling ödru me ovecâ tavat adre me laba eang hmeledrany.

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.

I. Samuela 28:6

Ke Saulo ame hnö ga Iehova, ke Iehova ame ca thu kâu, ca deny je bwi, ke ca deny Urim, ke ca deny je perofeta.

I. Samuela 3:15

Ke Samuela ame mokut ke ne o but ame lany, me khong ut je hwanumen uma umo Iehova. Ke Samuela ame ot he ka thumetu Eli ge hna omanenâ.

I. Samuela 3:21

Ke Iehova ame manen hmetu hnyi Silo: anyin a Iehova ame omanenâ e bi kö Samuela hnyi Silo ûnyi hnyi hofuc ho Iehova.