Numera 12:13 - Iaai Bible 1901 (New Caledonia)

¹³ Ke Mose ame tenge kö Iehova, me ha, ka habe, Khong lo, ö u omelö thö momo walang ang.

Numera 12:13 Iomraidhean Croise

Genese 20:17

Ke Aberahama ame hic ka Khong: ke Khong ame osoi Abimeleke, me âiân me lathnyabainy omomo; me ödrin e hnokoâ bi.

I. Je Than 13:6

Haba than ame thu me ha ka aten Khong, ka habe, Ö u khöû thö kö Iehova Khongom walang ang, me hic hobi könya, me me so hmetu but hnyamok. Me haba aten Khong ame khöû kö Iehova, me me so hmetu hnyamen than helâ me eja.

Salamo 30:2

Iehova Khonguk lö, Oge me hongot köu, me u je hia but ometu nya.

Salamo 41:4

Haingök dö, Iehova lö, betenge ju gak: Ometo thö hanuk; anyin oge hia but monu köu.

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Esodo 4:7

Ke ame ha, ka habe, Inâ hmetu ju hnyamâm ka hnyi ûlâiâm. (Kʼ ame inâ hmetu but hnyamen ka hnyi ûlainy; ke ame oc hmetu but e ûnyi hnyi ûlainy, me wâ bi, e so hmetu but helâ me unyin.)

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Jeremia 17:14

Iehova lö, ometu nya but, me inye metu but; omeli nya thö, me inye mot ut; anyin a u thibi hnok hna ogânâ.

Numera 11:2

Ke haba tavat adre me tengiâ kö Mose; me Mose ame khawe kö Iehova, me ame mok hmetu ju meic.

Numera 12:12

Ö e ca he ka helâ me komok, ke helâ me at ame o ûnyi hnyi hnyekon hinyen, kʼ ame aû but unyin.

Numera 14:2

Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Numera 16:41

Ke haba nyi ame ulidri Mose me Arona hnen ûkhacaköu hia, me habe, Öbe hlingâ je atö Iehova.

Luka 23:34

Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.

Luka 6:28

hasoi ödra thö adre me hangʼ öbun, hic ju hobi kodra adre me okongu öbun.

Ta je huliwa 7:60

Ke e ame cibouca, me fuc hwege goranyai, ka habe, Than lö, ca bi hwaban kodra monu eang. Ke a hia but ha e, e ame mokut ut.

Roma 12:21

Ca he ka ngʼ öbun ge monu, ke ngâ but monu ge so.

Iakobo 5:15

ke haba hic hnyi labageju, me ame he bi ka omelö komok, kʼ ame he Than ka otilâ thö e; ke a ne hia but ânyâ ta je monu, me ame he ka thang ut gan.

I. Samuela 12:23

Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.