Numera 11:5 - Iaai Bible 1901 (New Caledonia)

⁵ Ötin e ûnykûme je wâ waleji ötin e an baûâ hnyi hnyei Aigupito; me ta je kokuma, me je wajem, me je liki, me je önyen, me je galika:

Numera 11:5 Iomraidhean Croise

Salamo 17:14

Iehova lö, omeli nya thö ûnyi ge tavat hnen hnyamâm, Ûnyi ge aten hmeledrany, tavat tren jekhoû hnyi möt ang, U je öunöngötâ je tang tidra ge tang omjehem: Adre sekudra but je lakudrin, Ke adre me hna kolon ge anyidrin ta je ûnyi ka lakudrin je mendring.

Esodo 16:3

ke haingen lakon Isaraela ködru, ka habe, Ohmun na mokcu hnen hnyamö Iehova hnyi hnyei Aigupito waleji ohmun e laba hnyi je hna öt meno, me han areto me sekuhmun; anyin a öbe hum ohmun ka hnyi hnyebuba eang he ka hlingâ ûkhacaköu ang hia ge mekihnânem.

Isaia 1:8

Ke adre hna degecâ wahluiny Ziona, helâ me uma hwaelu hnyi hnyei vine, ke helâ me uma tue hnyi hnyin ta sa kokuma, ke helâ me taun adre thelöng ut.

Jeremia 42:14

me ha, ka habe, Ohe, ohmun e he ka he ka hnyi hnyei Aigupito, me ohmun e ca he ka löng vat eling, me löng ifucin trutru, ke ame ca he bi ka hmiâ jeû; ke ohmun e he ka laba eling:

Jeremia 44:18

Ke hwân hnyi ûen ohmun e ca leû utö ae bo so ka momo thaniny drany, ke hingâlâ je hudiny ic kâu, me hia gahmun ta je ûnyi hia, ke adre oaû ohmun ge hele vat me hmiâ.

Numera 14:2

Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.