Numera 11:25 - Iaai Bible 1901 (New Caledonia)

²⁵ Ke ame utut Iehova hnyin ûlâ, me fuc kâu, me hom ke keihen hanu unyin me ip hon wahingat a sevente: ke a mokut hanu hudrin, me ödrin e perofeta, ke ödrin e ca ânyâ hmetu helâe.

Numera 11:25 Iomraidhean Croise

II. Je Than 2:15

Ke a wâ but e ge lakon je perofeta hnyi Jeriko, hnyat ödrin e tot cicö e, me ödrin e ha, ka habe, Ame ta hanu Elia ka hnyi hu Elisaia. Me ödrin e he me ûkhanö mē, me nom ju hnyikânâi hnyi hnyimakan.

Nehemia 9:20

U je ham ködrin minya hanom ae so he ka nʼ ödrin, ke u je ca behânâ ânyâm mana ka hnyi je hnyimödrin, ke u je habelidrin, anyin a ödrin beic.

Salamo 99:7

E ame ha ködrin hnyi ûlâ ame tot wisa: Ödrin e vheno hnen je ohnatho, me hnanyibu waleji e ame ham ködrin.

Esodo 32:32

Ke walang ang, u je ne he ka ikhâlâ anyidra hulö—; ke ame ne ba ö u na he ka kot degeci nya ûnyi hnyi ânyâm tusi u je sihnalimen.

Esodo 34:5

Ke Iehova ame utut hnyi ûlâ, me tha tot me eling me haimemenâ iö Iehova.

Esodo 40:38

Haba ûlâ anyi Iehova ame laba hon uma mano hnyi lany, ke meic hnyi lit, hnyi hnyimakan lap hia anyin at Isaraela, hnyi anyidra je bunyen hia.

Isaia 63:11

Me e ame ûnykûme je bong ehac, wale ga Mose me lakeiny, ke haingen, ka habe, E but ua at ame hum ödra ûhedra eû hnyi köiö, tha e me tavat tuö haleny hnahat mamoe? ke e but ua at ame ip hanon ae kap eû hnyi hnyekudra?

Ezekiela 8:11

Ke ame tot hnyi hnyimakan ta je ûnyi e tavat a sevente hanen wahingatiny lap anyi Isaraela, ke ame tot Jazania nöku Safana hnyi wanbödrin, ke ve hu taben meic hnyi je hnyamödrin; ke ame sâ göranyai hai ae gan hmâ a hainy utö ae bo so.

Numera 11:17

Ke oge me he ka utut me ûhnenamö eling mou: ke oge me he ka hom ke keihen hanu unyâm me ip hudrin; mʼ ödrin e he ka tha vadren mou tavat a ûnyi ae hmak, me u me ca he ka hake vadren.

Numera 12:5

Me Iehova ame utut hnyi ûlâ ame tot wisa, me tot hnyi hwanumen uma ûkhacaköu, me hawo Arona me Miriama: ke ödru me o thö.

Numera 16:25

Ke Mose ame köûö thö, me he kö Dathana me Abirama; kʼ ame he hoton wahingatiny at Isaraela.

Numera 24:2

Ke Balaama ame bwele me wâ at Isaraela adre me ve laba hoton anyidra je tribu; me ame o but kâu hanon Khong.

Numera 27:18

Ke Iehova ame ha kö Mose, ka habe, U me he ka hum Josua nöku Nuna, at ae so hanon, ke ip hnyamâm hon;

Ta je huliwa 11:28

Ke ame todrö ke at gadrin, Agabo ien, me omanenâ ge Hanu a gʼ ame he ka hu hmiâ ae gan hmâ hnyi hmeledrany hia: wale a hwâdâ thö hnyi ûö Kalaudio.

I. Korinito 14:32

haba ta je hanon je perofeta, me adre me long hoton ta je perofeta;

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

II. Peteru 1:21

Anyin ame ca o ke hna perofeta ehac ûnyi hnyi weny at, ke ame ha tavat ûnyi ge Khong, ke a huliwan je hnyekudrin hnen Hanu Kap.

Owisa 3:10

Ke ame mokut hon at e hanu Iehova, ke e ame owisa ka at Isaraela; ke e ame he ka vat, me haba Iehova ame hnö Kusani-risathaima than Mesopotamia ka hnyi hnyamen: ke e hwege hnyamen hu Kusani-risathaima.

I. Samuela 10:10

Ke ödru me o eling hnyi dok ae hut, me wâ bi, ame ûkhanö mödru deö perofeta; me ame o hwege hon hanon Khong, me e ame tha perofeta unyidrin.