Numera 11:20 - Iaai Bible 1901 (New Caledonia)

²⁰ ke so bi ama khaca tehi, ke ne o but e ka o but e hnyi je hnyingöibun, ke öbun e he ka ikikiâ e: anyin a öbun e hûkötiö Iehova at ame tha e möbun, me tenge hnyi hnyimakan, ka habe, Ötin e he jem geû ûheta Aigupito?

Numera 11:20 Iomraidhean Croise

II. Samuela 12:10

Ke walang ang ame ca he ka hia hele vat hnyi hnyabam nyiele balua; anyin u je höciö nya me hom öiö Uria at Heth me âiâm.

Salamo 106:15

Me e ame ham hnödra hna sumâtâ; Ke so bi e ame kunâ delâ ka ta je hanudra.

Esodo 16:13

Ke haba hnyi sahac ame ölö thö ta je jûö me khavâ hnyei: ke hnyi hnyomakatu ame ta hau igigilö je hnyaba.

Esodo 16:3

ke haingen lakon Isaraela ködru, ka habe, Ohmun na mokcu hnen hnyamö Iehova hnyi hnyei Aigupito waleji ohmun e laba hnyi je hna öt meno, me han areto me sekuhmun; anyin a öbe hum ohmun ka hnyi hnyebuba eang he ka hlingâ ûkhacaköu ang hia ge mekihnânem.

Esodo 16:8

Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Ta je Vejec 27:7

Haba at ae sekon me ame höcö ge hani; Ke hnebwia hia ta je ûnyi ae hiny ka at ae mekihnânem.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Numera 11:13

Ûnyi ua utiö, mʼ inye he ka ham ka je hnyat hia eang? anyin adre me tenge könya, me ha, ka habe, Ha ohmun ge utiö.

Numera 11:19

Öbun e he ka han utiö, ca hnyi khaca thibi bong, ke ca lo li bong, ke ca thabûng ta bong, ke ca libenyita ta bong, ke ca twente ta bong;

Numera 11:21

Ke Mose ame ha, ka habe, Haba tavat unyik ödra siks haded thauzan tavat vat; ke u je ba, ka habe, Oge me he ka ha ödra ge utiö, mʼ adre me he ka han hnyi khaca tehi.

Numera 14:3

Ke ieû e ga Iehova a hum ohmun ka hnyi hnyei eang he ka mok ge hele vat? Adre me he ka hûgûnâ laöiöhmun me lakuhmun je wanakat: hawa e ca so kohmun he ka hmetu Aigupito ai?

Numera 14:4

Ke adre me uhaköuâ, ka habe, E so ötin e ûca at me me than, kʼ ate me he ka hmetu Aigupito ai.

Numera 16:13

hawa unyi a ûhnyûkong a u je hum ohmun jem ûnyi hnyi hnyei ame di hnyin debai me hani, he ka hlingʼ ohmun hnyi hnyebuba, ke u je wem minya he ka bi than humun?

Numera 20:4

Ieû gabu obe hom ûkhacaköu anyi Iehova ka hnyi hnyebuba eang, mʼ öhmun e he ka mok e, me je halehmun?

Numera 21:5

Me haba tavat adre me fuc hwege ka Khong me Mose, me ha, ka habe, Ieû gabu öbe hum ohmun ûhehmun Aigupito he ka mokcu hnyi hnyebuba? anyin ae ba han, ke ba köiö; kʼ ohmun höcö han eang ae haba.

Ta je huliwa 13:41

Öbun tavat öbun e hmiâ, wâ ju, me lâiâ, me laba iyong bi; Anyin a oge me ânyâ huliwa hnyi bongubun je bong, Wale huliwa, ame ne he ke at ka omanenâ e köbun, me öbun e ca he ka kap.

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.

Josua 24:27

Ke Josua ame ha ka tavat hia thithö, ka habe, Wâ bi, haba veto aug, me, hnân ohnatho köta, anyin a e at ame long hia je hofuc a ha köta Iehova: anyin a wale hnân ohnatho köbun, wâ öbun nye he ka ivinoâ Khongubun.

I. Samuela 10:19

ke öbun e hia but degec Khongubun hnyi ûen ang, at a omeli öbun ûnyi ge anyibun je hna okongoâ me hna ovecâ; ke öbun e ha kâu, ka habe, Otilâ thanihmun dö. Awe, omanenʼ öbun dö walang ang hnyi hnyimakö Iehova hoton anyibun je tribu me je thauzan gabun.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.