Numera 11:16 - Iaai Bible 1901 (New Caledonia)

¹⁶ Haba Iehova ame ha kö Mose, ka habe, Ûkhacaköuâ thö könya je hnyat a sevente, a wahingatiny at Isaraela, wale u me wâhmakhmeto a wahingatiny hnyei, me homakan hnyei; ke hum ödrin ka hnyi uma ûkhacaköu, mʼ ödrin e he ka tha tot mou eling.

Numera 11:16 Iomraidhean Croise

Genese 46:27

ke lo laku Josefa e ame hnokoâ hnyi hnyei Aigupito: kʼ ödrin sevente tavat hia hnyi lap anyi Jekob, wale tavat ödrin e o hnyi hnyei Aigupito.

Esodo 18:25

Ke Mose ame ûca hnyat ae metâ unyin at Isaraela hia, me otilʼ odrin me je homakan tavat, a je taben thauzan, me je taben haded, me je taben fifte, me je taben libenyita.

Esodo 24:1

KE e ame ha kö Mose, ka habe, Ölö thö kö Iehova, u, me Arona, me Nadaba, me Abiu, me wahingatiny Isaraela a sevente; ke öbun e he ka khudrung sâkâû:

Esodo 24:9

Ke haba Mose ame tha ölö me Arona, me Nadaba, me Abiu, me wahingatiny at Isaraela a sevonte:

Esodo 4:29

Kʼ ame he Mose me Arona me ûkhacaköuâ wahingatiny lakon Isaraela hia:

Jeremia 19:1

WALANG hna ha hnö Iehova, ka habe, He thö ka ûco kaia kânâ adre op me hom ke je hingatiny tavat, me ke je hingatiny tavat bihut;

Ezekiela 8:11

Ke ame tot hnyi hnyimakan ta je ûnyi e tavat a sevente hanen wahingatiny lap anyi Isaraela, ke ame tot Jazania nöku Safana hnyi wanbödrin, ke ve hu taben meic hnyi je hnyamödrin; ke ame sâ göranyai hai ae gan hmâ a hainy utö ae bo so.

Numera 11:24

Ke Mose ame didrut me ha ka tavat hofuc ho Iehova: me e ame ûkhacaköuâ wahingatiny hnyei a sevente me otilʼ ödrin igigilö Uma.

Numera 16:25

Ke Mose ame köûö thö, me he kö Dathana me Abirama; kʼ ame he hoton wahingatiny at Isaraela.

Luka 10:1

HWABAN ta je ûnyi eling, haba Than ame ûca keihen tavat a sevente, me kunʼ ödrin, a ödrin ûcû lo he ka bödra ka hnyi ta je taun, me ta je dok e ame he ka he hnyin.

Luka 10:17

Ke ame o hmetu but tavat a sevente me senyin, me ha, ka habe, Than lö, ame ling ohmun ta je demoni hnen iâm.

Deuteronomi 1:15

Waleling me oge me hom ta je taben anyibun je tribu, tavat ae metâ, adre wâhmakhmeto, me otilʼ ödrin hnân je homakan köbun, a je taben thauzan, me je taben haded, me je taben fifte, me je taben ten, me tavat musi, hoton anyibun je tribu.

Deuteronomi 16:18

Ke u me he ka otilâ hnyat owisa, me je taben hnyi em hnyei hia a ham köu hnö Iehova, hnyi ânyâm je tribu: ke ödrin e he ka owisa tavat ge hna owisa ae wisa.

Deuteronomi 31:28

Ûkhacaköu thö könya wahingatiny hia anyibun je tribu, me je homakan gabun, mʼ oge me he ka ha ta je hofuc eang ka hnyi je hnyikonyödra, me hawâ drany me hmeledrany he ka ohnathoâ ködra.