Numera 11:12 - Iaai Bible 1901 (New Caledonia)

¹² Hawa oge erkinâ tavat hia ang? hawa oge hnöku ödra, mʼ u me he ka ha könya, ka habe, Kop ödra ka hnyi ûlâiâm, helâ me kamen wale at ame tuö wanakat adre asen, ka hnyi hnyei u je khemanyin ka lakamödra?

Numera 11:12 Iomraidhean Croise

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 26:3

u ma laba kanyua hnyi hnyei eling, ke oge me he ka tha e möu, me ohnahici u; anyin oge me he ka ham köu me ta je mâtrânâm ta je hnyei hia eang, me oge me he ka ohwâdâ hnök hna ûhihinyköu kö Aberahama a kâmâm;

Genese 50:24

Ke haingö Josefa ka je liamekeiny me, ka babe, Oge me be but ang ka mok: ke e hnathu ame be Khong ka senʼ obun, me hum öbun tinyi hnyi hnyei eang ka hnyi hnyei e ame khemanyiuâ ko Aberahama, me Isaaka, me Jekob.

II. Je Than 10:1

KE sevente je laku Ahaba hnyi Samaria. Ke haba Jehu ame sihnalimen je tusi me ûkhûnöng Samaria ai ka je than Jezerela, wale wahingat, me ka tavat hat je laku Ahaba, ka habe,

II. Je Than 10:5

Haba at ame muso hnyaba, me at ame muso taun, me wahingat, me tavat ödrin e hat je wanakat, ödrin e ûkhûnöng kö Jehu, ka habe, Ohmun ang lathnyabaem, me ohmun e he ka ânyâ ta je ûnyi hia u me he ka hunâ kohmun; ohmun e ca he ka otilâ ke at hnân than: ânyâ thö ûnyi ae so hnyi hnyimâkâm.

Esodo 13:11

Ke e ka he Iehova ka hum u ka hnyi hnyei iny at Kanana, helâ me hnen hna khemanyin köu me lakâmâm me ham köu,

Esodo 13:5

Ke e ka he Iehova ka hum u ka hnyi hnyei Kanana, me Heth, me Amora, me Hivi, me Jebusi, waleji a khemanyin ka lakâmâm he ka hani köu, a hnyei ame di ge dân basin me hani, me u ma he ka ânyâ huliwa eang hnyi tehi eang.

Esodo 33:1

KE Iehova ame ha kö Mose, ka habe, Hna but dok ang, ke he thö ûhem ang me tavat waleji u je hom ûhedra hnyi hnyei Aigupito, ka hnyi hnyei oge ûhibinyköuâ kö Aberahama, me Isaaka, me Jekob, ka habe, Oge me he ka ham ka je mâtrânâm:

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Isaia 49:15

Hawa, ame he mono ka hnying nokon ame asen, me me ca he ka betenge ge onyen hnyekon? eke, e khanʼ ödra he ka hnying, ke so bi oge me ca he ka hnying u.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Ioane 10:11

Inya ang at ame tuö wia ta je mamoe: haba at ame tuö wia je mamoe, me e ame ham anyin möt hnân singiny ta je mamoe.

I. Korinito 4:15

Anyin a eja ke ne a ne ten thauzan tavat adre me nʼ öbun unyi Keriso, me ca se hia lakamöbun: anyin a oge me hnöku öbun hnyi Iesu Keriso deny ûthumetu ae so.

Galatia 4:19

Je lakuk lö, inya hmetu oge me vec hnyekon helâ me at erkini öbun, ke ne o but a e but Keriso eû hnyibun,

Deuteronomi 1:31

me hnyi hnyebuba, waleji u je wâ a gʼ ame kop u tilö u Iehova Khongom, helâ me at ame delûâ nokon, hnyi je gethen hia öbun e he hnyin ke ne o but öbun e o but eang.

I. Thesalonika 2:7

Ke öhmun e menyik hnyi wanböbun, helâ me at ame ûasin ame hat lakon: