Numera 10:9 - Iaai Bible 1901 (New Caledonia)

⁹ Ke öbun ka he ka vat hnyi ibun hnyei me je iwahnaihmiony möbun, tavat adre me okongu öbun, me öbun e he ka tûâ hnahna wale li trutru; me adre me he ka ûnykûmi öbun hnyi hnyimakö Iehova Khongubun, kʼ adre me he ka omeli öbun ûnyi ge je iwahnaihmiony möbun.

Numera 10:9 Iomraidhean Croise

Genese 8:1

KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

II. Man Ûlabainy Je Than. 13:12

Ke wâ bi e unyihmun Khong me ban kohmun, me anyin tavat bihut me je trutru ame fuc haten ot, he ka tûâ haten ot gabun. Lakon Isaraela lö, ca vat bi me Iehova Khongon lakamöbun; anyin öbun e ca he ka hnahic.

II. Man Ûlabainy Je Than. 13:14

Kʼame bwele hotudrin ai at Juda, me wâ bi, e but vat hnyi hnyimaködrin me hotudrin: me ödrin e tenge kö Iehova, ke haba tavat bihut ödrin e tûâ je trutru.

Salamo 106:4

Iehova lö ûnykûmi nya ju hel me hnâm hna labö betenge ka lakem; U na senö nya ju ge ânyâm ûhomeli:

Salamo 106:42

Kʼ ame sedʼ ödra hnen je iwahnaihmiöny mödra, Mʼ adre me oûhnyûkongoi ödra hnyi hmelen ta je hnyamödra.

Salamo 136:23

At ame ûnykûmi öta hnyi hna ohnyikânâi öta: Anyin a nyiele balua anyin ibetengiö

Isaia 18:3

Öbun hia thithö tavat adre me laba hnyi hmeledrany, ke tavat laba hon kânâ hia, e ka kap goranyai boûdila hon je bucen, wâ thö; ke e ka tûâ trutru long ju öbun.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Jeremia 4:19

Hnyekuk, hnyekuk! oge me vec ut eû hnyi hing hnyik; ame bwebwet hnyekuk eû hnyik; e ca khanönya he ka laba hnyibû; anyin a u je long ut, hanuk lö, ifucin trutru me hwan vat.

Jeremia 4:21

Oge me he ka wâ boûdila ke ne o but kehö, me long ifucin trutru?

Jeremia 4:5

Khetâ thö hnyi Juda, ke haimemenâ thö hnyi Jerusalema me ha, ka habe, Ûkhacaköu thö, ate me he ka didro ka hnyi je taun adre up haginy.

Jeremia 49:2

Anyin a wale, wâ bi, ame he ka o je bong, haingö Iehova, me oge me he ka olungâ hnyi Raba iny lakon Amona hwan vat; me e ame he ka hna digic thatûnyi ae ba onyen, kʼ adre me he ka thong degecâ ge meic lakon wahlu: kʼ ame he Isaraela ka hom iny tavat waleji adre me hom iny, haingö Iehova.

Jeremia 6:1

TA je lakon Beniamina lö, kec bemöt dö ûnyi hnyi wanben Jerusalema, ke tûâ thö khoto hnyi Tekoa ke ogörânyâ thö haten hnyi hon Beth-akerem: anyin ame selâdrâ ûnyi ae kong ûheny hnyi hwadro, me hna ûhangö ae gan.

Jeremia 6:17

Ke oge me otilâ tavat he ka tuʼ öbun he ka ha, ka habe, Löng ju ifucin trutru; ke haingodra, ka habe, Ohmun e ca he ka löng.

Ezekiela 7:14

Adre hia but tûâ trutru, me penapena hia; ke ba at ame hnyi he ka hnyi vat: anyin a e bi hon ûseidra hia anyik hmonyin.

Hosea 5:8

Tûâ thʼ öbun sofa hnyi Gibea, me trutru hnyi Rama: kuku thö hnân haten hnyi Beth-aven; e hnyi hotom Beniamina.

Levitiko 23:24

Ha thö ka lakon Isaraela me ha, ka habe, Hnyi tehi a seveniny, hnyi bong a bâniny tehi, ame he ka hu hna menâ hobi köbun, hnân oûnykûmeâ hnen tuö trutru, ûkhacaköu ae kap,

Amosa 3:6

Hawa, adre me he ka tûâ trutru hnyi taun, ke ame ca he ka ot tavat? hawa, ame he ka hu ûnyi ae kong hnyi taun ke a ca ânyâ bi Iehova?

Zefania 1:16

bonginy fuc trutru me öbubuny ka hnyi je taun adre up haginy, me je tap tue görany.

Numera 31:6

Ke Mose ame kunʼ ödra, a ûsa khaca thauzan ûnyi hnyi je tribu, he ka vat, walödra me Fineasa, a nöku Eleazara at bihut he ka hnyi vat, tha e me je ûnyi ûnyi hnyi dok ae kap, ke lo li trutru hnyi hnyamen he ka tûâ.

I. Korinito 14:8

Ke a ne hnân loloâ hwan khoto, ie at ame he ka penapena ka hnyi vat?

Deuteronomi 20:1

U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.

Josua 6:5

Ke e ka beû but hna tûâ trutruiny jubeli, ke öbun ka long ut ifuciny trutru me ame he tavat ka kuku hwege: me ame he ka ū but haginy taun adre up veten, me me ve ölö thö tavat hia thithö hnyi hnyimaködra.

Owisa 10:12

Ke haba at Zidona, me Amaleka, me Maon, ödrin e okongu öbun; me öbun e tenge könya, me oge me omeli öbun ûnyi hnyi je hnyamödrin.

Owisa 10:8

Ke ödrin e ovecâ me seda lokon Isaraela hnyi huna eling: eitin ta je huna adre hom ûhnyûkongo lakon Isaraela hia wale hoton Joridano hnyi hnyei iny at Amora, hnyi Gileada.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,

Owisa 3:27

Ke e ame he but me tûâ trutru hnyi hnyei ae hut hnyi Eferaima, me ame tha utut lakon Isaraela mē ûheny hon hnyei ae hut, ke e ame bân.

Owisa 6:34

Ke ame ta hu Gideona hanu Iehova; me e ame tûâ trutru; me ame ûkhacaköu hoton e at Ahiezera

Owisa 6:9

ke oge me omeli öbun ûnyi hnyi hnyamen at Aigupito, me ûnyi hnyi hnyamen tavat hia adre me hom ûhnyûkongu öbun, me obʼ ödrin hnyi hnyimaköbun me ham bi köbun idrin hnyei;

I. Samuela 10:18

me e ame ha ka lakon Isaraela, ka habe, Walang hofuc ho Iehova, Khongu Isaraela, ka habe, Oge me hom at Isaraela ûheny Aigupito, me oge me omeli öbun ûnyi hnyi hnyamen at Aigupito, me ûnyi hnyi hnyamen je dökhu hia waleji a oveci öbun: