Numera 10:33 - Iaai Bible 1901 (New Caledonia)

³³ Ke adre me he but ûhedra hnyi bucen anyi Iehova hnyi kun ta bong; ke haba tangen ûhihinyköu ame he bân hnyi kun ta bong, he ka elâm hna menâ hobi ködra.

Numera 10:33 Iomraidhean Croise

Salamo 95:11

Anyin a waleji oge me khemanyin hnyi anyik wathethot, ka habe, Adre me ca he ka dit ka hnyi hnok hna menâ.

Esodo 19:3

Ke haba Mose ame ölö thö ka Khong, ke haba Iehova ame hongot kâu ethö hon bucen me ha kâu, ka habe, Walang hofuc u me he ka ha ka lap anyi Jekob, me thumeto lakon Isaraela, ka habe;

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 28:12

walegi e ame ha kodra, ka habe, Walang hna menâ, omenâ ju at ae sēnyin; ke walang hnahic: ke so bi ödra höcö bi long.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Jeremia 3:16

Ke öbun ka se hia but, me ti osehia hnyei, hnyi je bong eling, haingö Iehova, adre me ca he hmetu ka ha, ka habe, Tangen ûhihinyköu anyi Iehova: ke adre me ca he ka ûnykûme ka hnyin; ke adre me ca he ka ûnykûme gan; ke adre me ca he ka senâ e; ke adre me ca he ka ânyâ hmetu.

Jeremia 31:2

Walang hna ha hnö Iehova, ka habe, Adre wâ betenge hnyi hnyebuba hnen ta je lakon ûnyi ge hele vat; waleji a Isaraela hnyi hnok hna he ka omenʼ ödra.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Ezekiela 20:6

haba hnyi bong eling oge me hinöbeny hnyin kodra he ka hum ödra ûnyi hnyi hnyei Aigupito ka hnyi hnyei waleji oge me elâm hobi kodra, kʼ ame di hnyin debai me hani, kʼ ame hmanenang hon ta je hnyei hia thithö:

Numera 10:12

Ke haba lakon Isaraela adre me he but ûheny hnyi hnyebuba Sinai; me ame tot u ûlâ hnyi hnyebuba Parana.

Deuteronomi 1:33

at ame hnyimaköbun hnyi gethen, he ka heleû dok hnân otilâ umöbun je uma mano hnyin, a meic hnyi lit, he ka omanenâ köbun gethen öbun e he ka he hnyin, ke ûlâ hnyi lany.

Deuteronomi 31:26

Hom dö tusiny hnanyibu eang, me ip e hnyi tangen ûhihinyköu anyi Iehova Khongubun, kʼ ame he ka hnen ling hnân ohnatho gam.

Deuteronomi 9:9

Hnyi ûen oge me öliâ bucen he ka kap li veto ae hu, a li vetoiny ûhihinyköu waleji a ânyâ Iehova möbun, ke oge me laba hnyi bucen fâte je lany ke fâte je lit; kʼ oge me ca han me ic.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Josua 4:7

Me öbun e he ka thu ködra, ka habe, Anyin adre subâ luâ köien Joridano hnyi hnyimakan tangen ûhihinyköu anyi Iehova: haba hnyi ûen e ame hanyâûâ Joridano, me adre subâ luâ köien Joridano: ke haba je veto ang me hnân oûnykûmeâ lakon Isaraela nyiele balua.

Owisa 20:27

Ke haba lakon Isaraela ödrin e elâm unyi Iehova (anyin a eling tangen ûhihinyköu anyin Khong hnyi je bong eling,

I. Samuela 4:3

Ke ame o tavat ka hnyi hna hunuma, me haba wahingatiny at Isaraela ödrin e ha ka habe, Can ieû Iehova ame kuc ota hnyi hnyimakan at Filisiti hnyi bong ang? E so ate me hom ûheny Silo tangen ûhihinyköu, me me e bi unyita, me omeli ota ûnyi ge je iwahnaihmiony möta.