Numera 10:29 - Iaai Bible 1901 (New Caledonia)

²⁹ Ke haba Mose ame ha hö Hobaba, nöku Reuela, at Midiana, a ûngu Mose, ka habe, Ohmun e he ka hnyi hnyei waleji Iehova ame ha, ka habe, Oge me he ka ham köbun; aiö u ötin e tha he, ke ohmun e he ka ânyâ so köu, anyin a hia but Iehova ha so kö Isaraela.

Numera 10:29 Iomraidhean Croise

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 32:12

Ke u je hia but ha könya, ka habe, E hnathu oge me he ka ânyâ so köu, ke oge me he ka osehia je mâtrânâm me me helâ me Önyin köiö, wale me me ca hnân aû anyin ae se hia.

Salamo 100:1

JE hnyei hia thithö lö, hongot senyin dö kö Iehova.

Salamo 34:8

Öbun na drem cubecâ ju me wâ a at ibetengiö Iehova: Hnahic hnen at ame labageju kâu.

Salamo 95:1

AI öbun ate me he ka khumöng ko Iehova: Ate me he ka hongot senyin ka kic at ame omeli ota.

Esodo 18:1

KE a wâ but Jethero at bihut e Midiana, ûngu Mose, ta je ûnyi hia Khong ame ânyâ hobi kö Mose, me at Isaraela a lakeiny, waleji a Iehova ame hom at Isaraela ûheny Aigupito.

Esodo 18:12

Ke Jethero, ûngu Mose, ame hom hut adre le me je hut ka Khong: ke ame o Arona me wahingatiny Isaraela hia he ka tha han me ûngu Mose hnyi hnyimakan Khong.

Esodo 18:27

Ke haba Mose ame hna but ûngon; kʼ ame he ka hnyi iny hnyei.

Esodo 2:18

Kʼ ödrin e o but kö Reuela a kamödrin, me haingen, ka habe, Ieû gabun iibon e ie o hnyi bong angî

Esodo 2:21

Ke so kö Mose he ka tha laba me at e: ke ame ham Zipora a nokon hlu kö Mose.

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Esodo 6:4

Ke oge hia but ohmâ anyik ûhihinyköu inödrin, be ka ham ködrin hnyei Kanana, waleji hnyei odrin e labö he kanyua hnyin hnyi hnödrin hna be kanyua.

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Jeremia 50:5

Adre me he ka hnö ge Ziona me hnyimakodra kâe, me ha, ka habe, Ai öbun, ate me he ka ûkhacaköu unyi Iehova, hnyi ûhihinyköu a nyiele balua, ke ca hnân hnying.

Numera 10:28

Wale hwakecin ûheny lakon Isaraela hoton anyidra je utbavat; kʼ adre me hwân ka he.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Ta je huliwa 7:5

ke e ame ca ham kâu ke hwajekhon hnyin, e ba hmonyin ke ong dok helâ me hwadeny hnyeûcan: ke e ame ha bânâ he ka ham kâu me hnân iny, me hnân iny je mâtrâniny hwaban, waleji ke tiga ba nokon.

Deuteronomi 30:5

ke ame he Iehova ka hum u ka hnyi hnyei a labā lakâmâm mʼ u me he ka labā, ke e ame he ka osoi u, me osehiö u hon je lakâmâm.

Deuteronomi 4:40

Ke u me he ka tuö anyin je hnanyibu, me hnen je hna hûna, wale oge me hûna köu huyi bong ang, mʼ u me so, me lakom hwabâm, me me se hia bongom je bong hnyi hnyei a ham köu Iehova Khongom nyiele balua.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.

Owisa 1:16

Ke haba lakon at Keni a ûngû Mose, odrin e tha he me laku Juda ûheny hnyi tauniny je ûö pama ka hnyi hnyebuba anyi Juda, hnyi ke keihen Arada ka hnyi hwaiöu; ke odrin e he me tha laba me tavat.

Owisa 4:11

Ke haba Heberu at Keni ame ûsâkâûö me at Keni ehac, wale laku Hobaba ûngu Mose, ke e ame otilâ umen uma mano hnyi iwajo hnyi Zananim, hnyi baten Kadesi.

I. Samuela 15:6

Ke haba Saulo ame ba ka at Keni, ka habe, E, kec dö öbun, utut ge at Amaleka, wâ oge ne he ka tha ohiʼ öbun mödrin: anyin a öbun e betenge ge lakon Isaraela hia waleji hnyi ûhedrin jem ûheny Aigupito. Me ame he but at Keni ge at Amaleka.