Numera 1:46 - Iaai Bible 1901 (New Caledonia)

⁴⁶ wale tavat hia adre aû, me ödra siks haded ke theri thauzan ke faiv haded ke fifte.

Numera 1:46 Iomraidhean Croise

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 15:5

Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 17:6

Ke oge me he ka ti öei u, ke oge me he ka oâ ta je hnyei ûnyi gam, kʼ ame he ka o ûnyi gam ta je than.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 26:3

u ma laba kanyua hnyi hnyei eling, ke oge me he ka tha e möu, me ohnahici u; anyin oge me he ka ham köu me ta je mâtrânâm ta je hnyei hia eang, me oge me he ka ohwâdâ hnök hna ûhihinyköu kö Aberahama a kâmâm;

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

II. Samuela 24:9

Ke haba Joab ame ham ka than ûseiny hna aû tavat: ke e hu hnyi Isaraela eit haded thauzan tavat hwege, tavat hok hele vat; ke faiv haded thauzan at Juda.

I. Je Than 4:20

Ke e se hia at Juda me Isaraela, helâ me önyin köiö ûseiny, adre me han me ic me senyin.

I. Man Ûlabainy Je Than. 21:5

Ke Joab ame ham kö Davita kahmen ûseiny tavat. Ke haba at Isaraela hia, Ödra eleven haded thauzan tavat hok hele vat: ke haba at Juda, me, foa haded ke sevente thauzan tavat hok hele vat.

II. Man Ûlabainy Je Than. 13:3

Ke haba Abia ame hnyi vat tha e me anyin deo vat wale tavat vat ae hwege, ödrin foa haded thauzan tavat adre ûca: ke Jeroboama ame otilâ metâ vat mʼ adre me vat më haba lahien ödrin eit haded thauzan tavat adre ûca, tavat hwege.

Esodo 12:37

Ke haba lakon Isaraela adre me he ûhedra Ramase Sukotha ai, ame ne siks haded thauzan tavat adre he, kʼ adre ca aû bi ta je wanakat.

Esodo 38:26

ûsa khaca beka ke at me ke at, wale haf sekel, hoton sekeliny dok ae kap odra ûsa khaca hia adre hanyâûâ ka hnyi hna öû odra, hwân ge tavat a twente me gan hon e, odra siks haded ke theri thauzan ke faiv haded ke fifte.

Numera 1:45

Me haba numerainy hia lakon Isaraela adre aû, hoton je hnyaban je lakamödra, hwân ge tavat a twente huna me gan hon e, a tavat Isaraela hia ae khana he ka hnyi vat;

Numera 11:21

Ke Mose ame ha, ka habe, Haba tavat unyik ödra siks haded thauzan tavat vat; ke u je ba, ka habe, Oge me he ka ha ödra ge utiö, mʼ adre me he ka han hnyi khaca tehi.

Numera 14:29

kʼ ame he ka mok ta je unyibun hnyi hnyebuba eang; ke öbun hia wale tavat adre aû, hoton hna sihnalimibun hia, hwân ge tavat a twente huna me gan hon e, a tavat adre ulidri nya,

Numera 2:32

Wale tavat adre aû ûnyi hnyi lakon Isaraela hoton je hnyaban lakamödra: haba tavat hia thithö adre aû ûnyi hnyi je lap hoton köiödra, me ödra siks haded ke theri thauzan ke faiv haded ke fifte.

Numera 23:10

Ia ae khana he ka aû sesâi Jekob, Me ha ûseiny ke keihen a vakiny Isaraela? E na he ju mekik ka helâ me mekiny at ae wisa, Me obiny melik helâ me obiny melen.

Numera 26:51

Wale tavat adre me aû unyin lakon Isaraela, a ödra siks haded ke wan thauzan ke seven haded ke thöte.

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.