Numera 1:3 - Iaai Bible 1901 (New Caledonia)

³ hwân ge tavat a twente hunaidra, me gan hon e, a at Isaraela hia, a tavat ae khanʼ ödra he ka hnyi vat, u me he me Arona ka öû ödra hoton anyidra je utbavat.

Numera 1:3 Iomraidhean Croise

II. Samuela 24:9

Ke haba Joab ame ham ka than ûseiny hna aû tavat: ke e hu hnyi Isaraela eit haded thauzan tavat hwege, tavat hok hele vat; ke faiv haded thauzan at Juda.

I. Man Ûlabainy Je Than. 5:18

Haba je baga laku Reubena, me at Gada, me hafiny tribu Manase, tavat ae hwege, ae khanʼ ödrin hok bec me hele vat, me hlic fana, me metâ hnyi vat, ödrin fâte foa thauzan seven haded ke sikste tavat, ae khanʼ ödrin he ka hnyi vat.

II. Man Ûlabainy Je Than. 25:5

Ke haba Amazia ame ûkhacaköuâ at Juda, me khenʼ ödrin hoton je lap anyin je lakamen, hmelen je taben thauzan me je taben haded, wale Juda me Beniamina hia: me e ame öû ödrin hwân ge tavat a twente huna me gan hon e, me ö ödrin a ödrin theri haded thauzan tavat adre ûca, ae ûcû ka hnyi vat, tavat hok ö me bec.

Esodo 12:17

Ke öbun e he ka bijeûâ areto adre ca levenâ bi; anyin a haba hnyi bong eling, oge hia but hom köiöbun je köiö ûnyi hnyi hnyei Aigupito: anyin a wale öbun e he ka tuö bong e helâ me hnanyibu nyiele balua.

Esodo 30:14

Haba tavat hia adre me hanyâûâ ka hnyi tavat adre hia but aû, hwân ge tavat a twente huna me gan hon e, adre me he ka ve bi hut kö Iehova.

Esodo 38:26

ûsa khaca beka ke at me ke at, wale haf sekel, hoton sekeliny dok ae kap odra ûsa khaca hia adre hanyâûâ ka hnyi hna öû odra, hwân ge tavat a twente me gan hon e, odra siks haded ke theri thauzan ke faiv haded ke fifte.

Numera 14:29

kʼ ame he ka mok ta je unyibun hnyi hnyebuba eang; ke öbun hia wale tavat adre aû, hoton hna sihnalimibun hia, hwân ge tavat a twente huna me gan hon e, a tavat adre ulidri nya,

Numera 26:2

He thö ka aû ûseiny ûkhacaköu anyin lakon Isaraela hia, hwân ge tavat a twente huna me gan hon e, hoton je lap anyin lakamödra, tavat hia ae khana hnyi vat unyi Isaraela.

Numera 3:15

U me he ka aû je laku Levi hoton je hnyaban lakamödrin, me anyidrin je lap: u me he ka aû obaga hia, hwân ge tavat a khaca tehi me gan hon e.

Numera 32:11

Haba tavat adre he jem ûhedra Aigupito, hwân ge tavat a twente huna me gan hon e, me adre me ca he ka hnyi wâ hnyei waleji oge khemanyin kö Aberahama me Isaaka, me Jekob; anyin adre me ca hnu hotuk hnyi ta je ûnyi hia:

Numera 33:1

WALANG ûheny lakon Isaraela, hnyi hnödra hna he but ûhedra hnyi hnyei Aigupito, a je köiödra, kʼ ame musi ödra hnö Mose me Arona.

Numera 4:3

hwân ge tavat a thöte huna me gan hon e ke ne o but fifte huna, tavat hia adre me hnyi vat, he ka ânyâ huliwa hnyi uma ûkhacaköu.

Deuteronomi 24:5

Ame ne ke baga ame hap hoktamomo, me e ame ca he ka tha he me vat, kʼ adre me ca he ka khene hanymen: ke e ame he ka at baû hnyi hnyaban hnyi huna a khaca, me osenyinâ âiân a momo e ame hom.

Deuteronomi 3:18

Ke oge me hûna köbun hnyi ûen eling, ka habe, Haba Iehova Khongubun ame ham köbun hnyei eang he ka labā: ke öbun e be ka penapena ûnyi hnân vat me hanyâûâ hnyi hnyimakan je liamekeiny möbun a lakon Isaraela, tavat hia ae hwege.