Numera 1:1 - Iaai Bible 1901 (New Caledonia)

¹ HABA Iehova ame ha kö Mose hnyi hnyebuba Sinai, hnyi uma ûkhacakoû, hnyi bong a bâniny tehi a loiny, hnyi huna a loiny hwaban hnödra hna he but ûhedra hnyi hnyei Aigupito, ka habe,

Numera 1:1 Iomraidhean Croise

I. Je Than 6:1

KE hnyi huna a foa haded ke eite wale ame he but hnyin lakon Isaraela ûnyi hnyi hnyei Aigupito, hnyi huna a vakiny musi anyi Solomona hnyi Isaraela, hnyi tehi Zif, wale tehi a loiny, me e ame ibi hwân op uma umo Iehova.

Esodo 19:1

HNYI tehi a kuniny hwaban ûheny lakon Isaraela hnyi hnyei Aigupito, hnyi bong eling adre me o but hnyi hnyebuba Sinai.

Esodo 19:2

Kʼ adre me he ûheny Refidima, me o hnyi hnyebuba Sinai, me adre me hunuma hnyi hnyebuba; ke haba at Isaraela adre me hunuma cicö bucen.

Esodo 25:22

Ke oge me he ka iouny möu eling, me ûhnenamö möu ûnyi ethö hon taben ibetengiö, ûnyi hnyi wanben li kerubi hon tang hnân ohnatho, hnyi ta je hofuc oge me he ka hûna köu hobi kâu lakon Isaraela.

Esodo 40:17

Ke haba hnyi tehi a bân hnyi huna a loiny, hnyi bong a bâniny tehi, adre me otilâ uma mano.

Esodo 40:2

U ma he ka otilâ uma mano hnân uma ûkhacaköu, hnyi bong a bâniny tehi a bân.

Levitiko 1:1

KE haba Iehova ame hao Mose me ha kâu ûnyi hnyi hnyin uma ûkhacaköu, ka habe,

Levitiko 27:34

Wale ta je hnanyibu a hûna Iehova kö Mose hobi kâu lakon Isaraela hnyi bucen Sinai.

Numera 1:18

ke ödrin e ukhacaköuâ tavat hia hnyi bong a bâniny tehi a loiny, me ödrin e ve omanenâ anyidrin je dö, hoton anyidrin je lap, a je hnyaban lakamödrin, wale numerainy je ien, a je ve at, hwân ge tavat a twente huna, me gan hon e.

Numera 12:4

Ke Iehova ame ie ha kö Mose me Arona me Miriama, ka habe, Ai öbun kun ka hnyi uma ûkhacakoû. Me ödrin kun ödrin e he.

Numera 9:1

KE Iehova ame ha kö Mose hnyi hnyebuba Sinai, hnyi tehi a bân hnyi huna a loiny, hwaban hnödra hna he but ûnyi hnyi hnyei Aigupito, ka habe,

Deuteronomi 1:3

Ke haba hnyi huna a fâte, hnyi tehi a eleveniny, hnyi bong a bâniny tehi, me haba Mose ame ha ka lakon Isaraela ta je ûnyi hia hoton hna hûna hnö Iehova kâu gadra;

Deuteronomi 2:14

Ke haba ûseiny je bong ate me he ûheny Kadesi-banea, ke ne but ate me hanyâûâ wagewe Zareda, me thote eit je huna; ke ne o but ame ba hia döiny aten vat hnyi hnyei, helâ me Iehova ame khemanyin ködra.

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.