Nehemia 9:8 - Iaai Bible 1901 (New Caledonia)

⁸ ke u je wâ hnyekon ae wisa but hnyi hnyimakâm, me u je ûhihinyköu mē he ka ham kâu hnyei iny at Kanana, me Heth, me Amora, me Perizi, me Jebusi, me Girigasa, he ka ham ka je mâtrâniny, me ohwâdâ hwâm hofuc; anyin a u wisa.

Nehemia 9:8 Iomraidhean Croise

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 15:6

Ke e ame labageju kö Iehova; ke e ame bi haten e kâu me hnân hwakecin ae wisa.

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

II. Samuela 22:31

Haba Khong, e ti wisa deny gethen: Adre cubec hofuc ho Iehova; E becidrin hia tavat adre me labageju kâu.

I. Man Ûlabainy Je Than. 1:14

me at Jebusi, me Amora, me Girigasa;

I. Man Ûlabainy Je Than. 16:16

Waleji e ame ânyâ me Aberahama, Me hnen hna khemanyin kö Isaaka;

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Salamo 116:5

E betenge me wisa Iehova; Eke, at ame betenge baû Khonguta.

Esodo 3:17

kʼ oge hia but ha a oge me he ka hum öbun ûnyi hnyi ta je vec hnyi Aigupito ka hnyi hnyei iny at Kanana, me Heth, me Amora, me Perizi, me Hivi, me Jebusi, wale hnyei ame di hnyin debai me hani.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Ezekiela 33:24

Nokon at lö, ame ha tavat adre me labâ je dok ae hwahwacit ehele hnyi Isaraela, ka habe, Hake Aberahama thibi, ke e hu gan hnyei: ke ohmun se hia bi; ke adre hia but ha kohmun hnyei me me ihmun.

Numera 13:29

Kʼ ame laba Amaleka hnyi ke keihen ka hnyi Hwaiöu: ke haba hnyi je bucen ame laba hnyat Heth, me Jebusi, me Amora: kʼ ame laba at Kanana hnyi hobat köiö me hnyi baten Joridano.

Numera 23:19

Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Ta je huliwa 13:22

Ke a hia but hom e, e ame otilö Davita me me tuhödra; ke e ame ohnathoâ e, ka habe, Oge ō Davita nöku Jese, at a helâ me hnyekuk, at ame he ka ânyâ hia wek.

Deuteronomi 26:3

Ke u me he ka he ka at ame bi hut hnyi ûen eling, me ha kâu, ka habe, Inya oge me omanenâ kö Iehova Khongom hnyi bong ang, a iny o but ka hnyi hnyei a khemanyin Iehova lakamöta he ka ham köta.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 7:1

E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 11:17

Hnen labageju Aberahama ame hudi Isaaka, hnyi hna cubec e: eke, waleji at ame hia but kap senyinâ ta je hna ha bânâ, e ame hudo nokon a khaca;

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Josua 11:23

Ke helâe Josua ame hom hnyei hia thithö helâ me je hofuc hia thithö a ha Iehova kö Mose; ke Josua ame ham e ka at Isaraela me idrin, hoton hna khenâ ködrin hnyi anyidrin je tribu. Me ame menâ ju tavat ûhedrin hnyi hna vat.

Josua 11:3

me tavat Kanana e deiö me jio, me at Amora, me Heth, me Perizi, me at Jebusi hnyi je bucen, me at Hivi hmelen Heremona hnyi hnyei Mizepa.

Josua 23:14

Ke wâ bi, oge me he ka vheno hnyi bong ang gethen deny aten hmeledrany hia: ke e khanʼ öbun dut hnyi ta je hnyok me je hanubun, ae ca haû ke ûnyi hnyi ta je ûnyi hia ae so a ha Iehova Khongubun gabun; e hwâdâ hia köbun, he ca haû bi ke ûnyi a khaca.

Josua 9:1

KE haba je than hia ödrin e long, walʼ ödrin hnyi ke keihen Joridano e jio hnyi je bucen me hnyei ae ca hut, me hnyi hobat köien köiö ae gan hia cicö Lebanona, wale at Heth, me Amora, me Kanana, me Perizi, me Hivi, me Jebusi;

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.