Nehemia 9:5 - Iaai Bible 1901 (New Caledonia)

⁵ Me ame ha at Levi, jia Jesua, me Kademiel, me Bani, me Hasabenia, me Serebia, me Hodia, me Sebania, me Pethaia, ka habe, Todrʼ öbun me oganö Iehova Khongubun nyiele balua: me so adre me haisoâ iâm ae hmanenang, waleji adre obeönua hon hna haisoâ me oganâ hia.

Nehemia 9:5 Iomraidhean Croise

I. Je Than 8:14

Me haba than ame hwio me hahnahicâ ûkhacakoû hia anyin Isaraela: ke ame todrö ûkhacaköu anyin Isaraela hia.

I. Je Than 8:15

Ke haingen, ka habe, Ole kö Iehova, Khongu Isaraela, at ame ha ge hnyimen kö cica Davita, me ohwâdâ ge hnyamen, ka habe,

I. Je Than 8:22

Haba Solomona ame tot cicö taben hut anyi Iehova hnyi hnyimakan ûkhacaköu hia anyin Isaraela, me hai goranyai li hnyamen:

I. Je Than 8:27

Ke hawa, e hnathu ame he Khong ka laba eang hmeledrany? wâ ju, e ca ûcû u drany me dranyin ta je drany; ke e ti ca ûcû u uma eang o ge op

I. Man Ûlabainy Je Than. 16:36

E so he ka haisoi Iehova, Khongu Isaraela. Hwan ehac balu ke ne o but nyiele balua. Ke haba tavat hia ödrin e ha, ka habe, Amen, me ogânâ Iehova.

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

I. Man Ûlabainy Je Than. 29:13

Ke walang ang Khonguhmun lö, ohmun e oleâ köu, me olungâ iâm ae hmanenang.

I. Man Ûlabainy Je Than. 29:20

Ke haba Davita ame ha ka ûkhacaköu hia, ka habe, Walang ang, oleâ thö kö Iehova Khongubun. Me haba ûkhacaköu hia adre me ole kö Iehova Khongon lakamödrin, me nom ju, me khudrung kö Iehova, me than.

II. Man Ûlabainy Je Than. 20:13

Ke haba Juda hia ödrin e tot hnyi hnyimakö Iehova, tha ödrin me tavat ae ûhnyûkong gadrin, me laöiödrin, me lakudrin.

II. Man Ûlabainy Je Than. 20:19

Ke haba at Levi, hanen lakon at Kohatha, me lakou at Kora, ödrin e tot he ka ogânö Iehova Khongon at Isaraela, me fuc hwege goranyai.

Ezera 3:11

Ke ödrin e khumöng oganâ me ole kö Iehova, anyin a e at ae so, anyin a nyiele balua anyin ibetengiö ka at Isaraela. Ke haba tavat hia ödrin e hongot hwege goranyai me oganö Iehova, anyin adre me bi taben uma umo Iehova.

Nehemia 9:4

Ke haba Jesua, me Bani, me Kademiel, me Sebania, me Buni, me Serebia, me Bani, me Kenani, ödrin e tot hon wacûat anyin at Levi, me hongot goranyai kö Iehova Khongudrin.

Nehemia 9:6

U thibi Iehova, a hake u; u je op drany, wale dranyin ta je drany, me je ûnyi hia hnyin, me hmeledrany me ta je ûnyi hia hnyin, je köiö hia me ta je ûnyi hia hnyin, te u me tuö hia; ke ame khudrung köu ta je ûnyi hia hnyi drany.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Salamo 106:2

Ie at ae khana he ka ha ta je huliwa ae man anyi Iehova, Me omanenâ hia ta je ûnyi hnân ogânâ e?

Salamo 134:1

WÂ bi, haisoi Iehova thʼ öbun, öbun lathnyabai Iehova hia. Tavat öbun e labö tot hnyi uma umo Iehova hnyi je hnyinghet.

Salamo 145:2

Oge me he ka haisoi u hnyi je bong; Ke o ge me he ka ogânâ iâm nyiele nyiele balua.

Salamo 145:5

Oge me he ka ûnykûme hmanenanginy ûgânâm ae mec, Me hnâm ta je hna ânyâ hnân lâiâ.

Salamo 146:2

Oge me he ka oganö Iehova inye tiga möt. Oge me he ka khumöng oganâ Khonguk e me tiga inya ang.

Salamo 16:2

Oge hia but ha kö Iehova, ka habe, U thibi Tuhok: E ba soik ke unyâm thibi.

Salamo 66:2

Khumöngö hmanenanginy ien; Omecâ thö hna ogânâ e.

Salamo 99:3

E so adre me he ka ogânâ iâm ae gan me hnân outen: E kap thibi e.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 15:6

Iehova lö, e mec hnyamâm a metâm ae man; Iehova lö, a hia but hnyamâm a metâm kot omomono iwahnaihmiony.

Daniela 2:20

Ke haingö Daniela, ka habe, E so adre me haisoâ ien Khong nyiele nyiele balua; anyin a e unyin metâ me man:

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Deuteronomi 28:58

U je ne ca he ka wâ wia he ka ânyâ ta je hofucin hia hnanyibu wale adre sihnalimen hnyi tusi ang, me u me outen ien ae hmânenang me hnân outen, wale Iehova Khongom;

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

Owisa 13:18

Me ame ha angela anyi Iehova, ka habe, Anyin a ieû u me hnö iök, anyin a e me hnân lâiâ gan?