Nehemia 9:34 - Iaai Bible 1901 (New Caledonia)

³⁴ ke haba latuhöhmun, me anyihmun je than, me tavat bihut unyihmun, me lakamöhmun, me ödrin e ca ânyâ ânyâm hnanyibu, me ödrin e ca long hnâm je hna hûna, me hnâm je hna ohnathoâ, waleji u je thawʼ ödrin hnyin.

Nehemia 9:34 Iomraidhean Croise

II. Je Than 17:13

Ke so bi haba Iehova ame haimemenâ ka Isaraela, me Juda, a deny je perofeta hia, me tavat wâ hia, me ha, ka habe, Hwio thö ûnyi hnyi debun ta je gethen ae kong, ke tuö ju hnok je hna hûna, me anyik je hnanyibu, helâ me je hnanyibu hia waleji oge hûna ka lakamöbun, me kunâ köbun a deny je athnyabaik a je perofeta.

II. Je Than 17:15

Ke ödrin e hna degecâ anyin je hnanyibu, me anyin ûhihinyköu waleji e ame ânyâ me lakamödrin, me hnen je hna ohnathoâ ködrin; ke ödrin e hnu hoton ûnyi ae ûnyi baû, me ödrin e hop bi, me hnu hoton je hnyei igigili ödrin, waleji a ha Iehova a ödrin e ca he ka ânyâ e ûcû mödrin.

II. Man Ûlabainy Je Than. 29:6

Anyin a haba lakamötin ödrin e hia but ânyâ hwakecin ae monu, kʼ Ödrin e ânyâ ûnyi ae kong hnyi hnyimakö Iehova Khongutin, me hna degecâ e, me wia je hnyimaködrin ûnyi hnyi hnyaba Iehova, me hwio hotudrin kâu.

Ezera 9:10

Ke walang ang, Khonguhmun lö, hwaban e, ie hofuc ohmun e he ka ha? anyin a ohmun e hia but hna degecâ ânyâm je hnanyibu,

Nehemia 9:30

Ke se hia je huna u je hokhnyoki ödrin, me thawʼ ödrin hnen hanom a deny ânyâm je perofeta: ke ödrin e ca belöng: anyin a wale u je hnʼ ödrin ka tavat aten je hnyei.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Nehemia 9:35

Anyin a ödrin e ca hia but bi athnyabaem hnyi dökhudrin dokhu, me ânyâm so ae gan hmâ, waleji u je ham ködrin, me hnyi hnyei ae gan me pipikhenya u je ham hnyi hnyimaködrin, ke ödrin e ca hwio ûnyi hnyi anyidrin je hna ânyâ ae kong.

Jeremia 29:19

anyin adre me ca hia but löng hok hofuc, haingö Iehova, waleji oge kunâ kodra a deny je athnyabaik a je perofeta, ke vesâkong, me ûkhûnöng, ke öbun e höcö löng, haingö Iehova.

Jeremia 44:17

Ke e hnathu ohmun e he bi ka ânyâ ta je ûnyi hia ame o but hnyi je hnyimöhmun, he ka leû utö ae bo so ka momo thaniny drany, me hingâlâ je hudiny ic kâu, helâji me hnöhmun hna ânyâ, ohmun me je latuhöhmun me anyihmun je taben, hnyi je tauniny Juda, me je getheniny Jerusalema: anyin a hnyi ûen eling e gan hmâ ö ʼhmun, ke ohmun so, ke ba kong ohmun e wâ.

Jeremia 44:4

Ke so bi, oge me kunâ köbun je athnyabaik hia je perofeta, me vesâkong, me ûkhûnöng, me ha, ka habe, Öbun a ca ânyâ ûnyi ang ae ikiki wale a hmiök.

Ezekiela 5:6

Ke e ame hia but hanyâûâ hnok hna owisa hnyi hnen hna ânyâ monu hon ta je hnyei, me hanyâûâ anyik je hnanyibu hon je hnyei igigilo: anyin adre me hia but hna degecâ hnok je hna owisa, me ca vheno anyik je hnanyibu.

Daniela 9:6

ke öhmun e ca hia but long ka lathnyabaem a ta je perofeta, tavat adre me fuc hnyi iâm ka latuhöhmun, ke anyihmun je taben, ke lakamöhmun, ke tavat hia thithö hnyi hnyei.

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.