Nehemia 9:32 - Iaai Bible 1901 (New Caledonia)

³² Ke walang ang Khonguhmun lö, at ae gan, ke at ae hwege, a Khong hnân outen, at ame tuö ûhihinyköu me ibetengiö, e na ca he ka ûnyi baû hnyi hnyimâkâm ta je vec hia ame o kohmun, ka latuhöhmun, me anyihmun je than, me tavat bihut unyihmun, me anyihmun je perofeta, me lakamöhmun, me lakem hia, hwân hnyi bong bongon je than Asuria ke ne o but hnyi bong ang.

Nehemia 9:32 Iomraidhean Croise

I. Je Than 8:23

ke haingen, ka habe, Iehova lö, Khongu Isaraela, e ba ke khong ae ûcû möu, ethö hnyi drany, me eang hmeledrany; at ame tuö ûhihinyköu mo ibetengiö ka je laathnyabaem, tavat adre me vheno hnyi hnyimâkâm me hnyekudrin ae bekhot:

II. Je Than 15:19

Ke ame o but Pula than Asuria he ka vat me hnyei; ke haba Menahema ame ham kö. Pula khaca thauzan talan sileva, me me hadruâ e he ka ohmâ dökhu unyin.

II. Je Than 15:29

Ke haba hnyi je bong bongu Peka than Isaraela ame o but Tigelathe-pilesera than Asuria, me hûgûnâ Ijon, me Abela-bethemaka, me Janoa, me Kadesi, me Hazora, me Gileada, me Galilaia, hnyei hia Nafatali; me e ame hum ödrin hia a je hwenbâ Asuria ai.

II. Je Than 17:23

ke ne o but Iehova ame hom Isaraela but ûnyi hnyi hnyimakan, helâ me hnen hna ha a deny je athnyabainy hia a ta je perofeta. Me adre me hom at Isaraela ûnyi hnyi idrin hnyei Asuria ai, ke ne o but hnyi bong ang.

II. Je Than 17:3

Ke ame o kâu vat ga Salemanesa than Asuria; ke haba Hosea ame bi athnyaba kâu, me ham kâu je bwihlany.

II. Je Than 17:6

Ke hnyi huna a naini Hosea, haba than Asuria ame hûgûnâ Samaria, me hom Isaraela Asuria ai, me ip ödrin hnyi Hala, me Habora, hnyi wagewe Gozana, me je taun anyin at Madai.

II. Je Than 23:29

Hnyi bongon je bong ame o but Farao-neko than Aigupito he ka vat me than Asuria hnyi wagewe Euferate: ke haba Josea than ame he he ka vat mē; ke ödru me iouny dö, me e ame hlingâ e hnyi Megido.

II. Je Than 25:7

Me ödrin e hlingâ je laku Zedekia hnyi hnyimakan, me ûâ li emakö Zedekia, me ca e ge fao me hom e Babulona ai.

Ezera 4:10

me je ke keihen je hnyei waleji hnö Asenapa ae gan me ûnyi hnathu, hna hom but, me ip ödrin hnyi taun Samaria, me hnyi ke keihen hnyei hoton wagewe, me tavat a helâe.

Ezera 4:2

me ödrin e he but ka Zerubabela, me je kamen ae beönua, me ha tudrin, ka habe, Hnʼ ohmun dut he ka tha op möbun: anyin a ohmun e elâm Khongubun e ûcû möbun; ke ohmun e labö bi hut kia hwân hnyi je bong bongu Esar-adona than Asuria, at a hum öhmun kââng.

Ezera 9:13

Ke hwaban ta je ûnyi hia ame o kohmun can hwakecihmun ae kong, me anyihmun hulo ae gan, anyin a u Khonguhmun u je bi hwaban ûhnyûkongo kohmun ke ca gan hmâ hoton anyihmun monu, ke u je ham kohmun ûhomeli helâng,

Nehemia 1:5

me ha, ka habe, Inya oge me khöû köu, Iehova, Khongon drany, Khong ae gan hmâ me hnân outen, at ame tuö ûhihinyköu me ibetengiö ködrin tavat adre me hnyok kâu me tuö anyin je hnanyibu:

Salamo 47:2

Anyin a Iehova Beönua at hnân outen; E than ae gan hmâ hon hmeledrany hia thithö.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Salamo 66:5

Ai öbun ka wâ ta je huliwa anyin Khong; Hnân öbubuny gan hnyi hnen hna ânyâ hon ta je lakon at

Esodo 18:8

Ke Mose ame thumeto ûngon ge ta je ûnyi hia a ânyâ Iehova kö Farao me at Aigupito hobi kâu at Isaraela, me ta je vec hia a o ködra eû hnyi gethen, me hna omeli odra ga Iehova.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Daniela 9:4

Me oge me hic kö Iehova a Khonguk, me omanenâ, ka habe, Than lö, a Khong ae gan ke hna outen, at ame tuö ûhihinyköu me ibetengiö ka tavat adre me hnyok kâu, me vheno anyin ta je hnanyibu;

Daniela 9:6

ke öhmun e ca hia but long ka lathnyabaem a ta je perofeta, tavat adre me fuc hnyi iâm ka latuhöhmun, ke anyihmun je taben, ke lakamöhmun, ke tavat hia thithö hnyi hnyei.

Daniela 9:8

Than lö, e unyihmun hmehma, wale latuhöhmun, ke anyihmun je taben, ke lakamöhmun, anyin a öhmun e hia but ânyâ hulo köu.

Levitiko 26:18

Ke öbun e ne ca he bala ka ling nya can ta je ûnyi eling, me oge me be bi nya ka oseven kuc öbun can anyibun je hulö.

Levitiko 26:21

Ke öbun e ne he ka hna degeci nya, me höcö ling nya, me oge me he ka oseven oâ köbun je mok hoton anyibun je hulö.

Levitiko 26:24

me oge me he bi nya ka digic öbun; ke oge me he ka oseven kuc öbun can anyibun je hulö.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Deuteronomi 7:12

Ke ame he ka e bi, a u je ne löng je hna owisa eang, me tuö, me anyâ, a gʼ ame he Iehova Khongom ka tuö mou ûhihinyköu me ibetengiö waleji e ame khemanyin ka lakâmâm:

Deuteronomi 7:13

me e ame he ka hnyok köu, me ohnahici u, me osehiö u: kʼ ame he minya ka ohnahicâ je wan hnyekom, me wan kânâm kânâ, wale ânyâm hwit, me ânyâm waina, me ânyâm wakaco, me lakon halem je kau, me je hnahat halem je mamoe, hnyi hnyei e ame khemanyin ka lakâmâm he ka ham köu.

Deuteronomi 7:21

U ma ca he ka outʼ ödra, anyin a e bi unyâm Iehova Khongom, Khong ae gan me hnân outen.

Deuteronomi 7:9

Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;