Nehemia 9:27 - Iaai Bible 1901 (New Caledonia)

²⁷ Anyin a wale u je hnʼ ödrin ka hnyi hnyamen je iwahnaihmiony mödrin, tavat adre me oveci ödrin: ke haba hnyi ûen vec ödrin e tenge köu, me u me long hnyi drany; ke ûnyi hnyi ânyâm betenge ae gan hmâ, me u me ham ködrin tavat he ka omeli ödrin ûnyi hnyi hnyamen je iwahnaihmiony mödrin.

Nehemia 9:27 Iomraidhean Croise

II. Je Than 13:5

(Me haba Iehova ame ham ka at Isaraela at ûhomeli, mʼ ödrin e didrut ûnyi hnyi hmelen hnyamen at Suria: kʼame laba hnyi umödrin je uma mano lakon Isaraela helâji me ehac.

II. Je Than 14:27

Ke Iehova, ame ca ha a gʼ ame he ka kot degecâ but iö Isaraela ûnyi eang hmeledrany: me e ame omeli ödra ge hnyamö Jeroboama nöku Joasa.

II. Je Than 17:20

Haba Iehova ame hna degecâ je mâtrâni Isaraela hia, me oveci ödrin, me hnʼ ödrin ka hnyi hnyamen tavat sei, ke ne o but e ame obʼ ödrin ûnyi hnyi hnyimakan.

II. Je Than 17:39

ke so bi öbun e he ka outö Iehova Khongubun; kʼ ame he ka omeli öbun ûnyi hnyi hnyamen je iwahnaihmiony möbun hia.

II. Man Ûlabainy Je Than. 36:17

Anyin a wale e ame oâ ködrin thaniny at Kaledaia, at ame hlingâ je hidröuidrin ge hele vat hnyi uma dok a kabidrin, ke adre ca betenge ka ke hidröu, me hlu, me hingat me hûen: e ame hnʼ ödrin hia ka hnyi hnyamen.

Nehemia 9:19

ke so bi u je ca hna degeci ödrin hnyi hnyebuba can ânyâm ibetengiö ae gan hmâ: ke ca hia unyidrin ûlâ ame tot wisa hnyi lany, he ka lili ödrin eû hnyi gethen; me meic ame tot wisa hnyi hnyinghet he ka omelami ödrin, me omanenâ gethen ödrin e he ka vheno.

Salamo 136:24

Kʼ ame hia but omeli öta ûnyi ge ta je iwahnaihmiony möta: Anyin a nyiele balua anyin ibetengiö.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Obadia 1:21

Ke ame he tavat ûhomeli ka o ka hnyi bucen Ziona he ka owisa ka bucen anyi Esau; ke ka anyi Iehova bi dokhu.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,