Nehemia 9:25 - Iaai Bible 1901 (New Caledonia)

²⁵ Me ödrin e hûgûnâ je taun adre bi haginy, me hnyei ae pipikhenya, me hu je uma ae unöngöt ge ta je ûnyi ae so hia, me je hna khû an, me je hnyei vine, me je hnyei elaio, me je ûö ame wa wan ae se hia: me ödrin e han me sekudrin, me ödrin e pipikhenya, me senyinâ ânyâm so ae gan hmâ.

Nehemia 9:25 Iomraidhean Croise

I. Je Than 14:9

ke u je hia but ânyâ hulö ae gan hon lakâmâm, me he me ânyâ hobi köu bi je khong monu, me je hnatheat adre me oköiâ, he ka ohmönyini nya, ke u je digic nya bi hotom ai:

I. Je Than 8:66

Ke haba hnyi bong a eitiny e ame kunâ tavat, me adre me hahnahicâ than me ve he ka hnyi umödra je uma mano me senyin me hnyok ame hobâ, can ta je so hia ame ânyâ Iehova kö Davita athnyabainy, me Isaraela a lakeiny.

Nehemia 9:35

Anyin a ödrin e ca hia but bi athnyabaem hnyi dökhudrin dokhu, me ânyâm so ae gan hmâ, waleji u je ham ködrin, me hnyi hnyei ae gan me pipikhenya u je ham hnyi hnyimaködrin, ke ödrin e ca hwio ûnyi hnyi anyidrin je hna ânyâ ae kong.

Salamo 105:44

Me e ame ham kodra ta je hnyei iny aten ke je hnyei; Mʼ adre me he ka hu hobi kodra bi huliwa hnen aten ke je hnyei:

Salamo 65:11

U je obicâ huna ge hwakecâm ae so; Kʼ ame khukhula dem je gethen ge pipikhenya.

Ta je Vejec 30:9

Wâ e nye sekuk dö, me ivino u, me ha, ka habe, Ia Iehova? Ke wâ iny nye theduoc, me venöu, Me ha monoâ ien Khonguk.

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Jeremia 2:7

Ke oge me hum öbun ka hnyi hnyei ae hu jeûiuy, he ka an wan me soiny; ke öbun e o but me oikikiâ ik hnyei, me wia lakeik me me ûnyi ae ikiki.

Jeremia 31:14

Ke oge me he ka osekunâ tavat bihut ge pipikhenya, ke oge me he ka osekunâ lakeik ge soik, haingö Iehova.

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Ezekiela 20:6

haba hnyi bong eling oge me hinöbeny hnyin kodra he ka hum ödra ûnyi hnyi hnyei Aigupito ka hnyi hnyei waleji oge me elâm hobi kodra, kʼ ame di hnyin debai me hani, kʼ ame hmanenang hon ta je hnyei hia thithö:

Daniela 11:24

E ame be ka o hnyi ûen ûsoköu ka hnyi je dok ae so hnyi hnyei; ke e ame he ka ânyâ ûnyi a ca ânyâ lakamen ke lakiben; e ame he ka khenâ kodra hna hûgûnâ ke hna soh, ke je omjeû: eke, e ame he ka bihihwakecin ûcon je hnabâ ke ne o but hnyi ke ûen.

Hosea 13:6

Adre me ka sekudra hoton ö ʼdra jeû; e sekudra thö me ame bi gan je hnyekudra: anyin a wale adre me hnying nya.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Deuteronomi 3:5

Haba je taun hia eling, adre si haginy goranyai igigilö, kʼ ame hu je homagouleny, me je venyâiny; ke ca ha bi je taun ae se hia ae ba haginy.

Deuteronomi 32:13

E ame otabâ e hon je dok ae görany eang hmelen, Kʼ ame han je troban hnyei, Ke e ame habelen e ge hani ûnyi hnyi kic, Me wakaco ûnyi hnyi oût;

Deuteronomi 32:14

Bata ûnyi ge kau, ke dân basin mamoe, Tha e me pipikenyainy lakon mamoe Me je mamoe baga ûheny Basana, me je got, Tha e me pipikhenyainy wan hwit; Ke u je ijem waina a dren wan vine.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.