Nehemia 9:24 - Iaai Bible 1901 (New Caledonia)

²⁴ Me ame he ka hnyin je lakon me hu hnyei, ke u je hom ûhnyûkongoâ hnyi hnyimaködrin at Kanana tavat a idrin hnyei, me hnʼ ödrin ka hnyi hnyamödrin, tha ödrin me je tuhödrin, me tavat aten hnyei, mʼ ödrin e he ka ânyâ wedrin ködrin.

Nehemia 9:24 Iomraidhean Croise

I. Man Ûlabainy Je Than. 22:18

ka habe, Hawa, ca tha e Iehova a Khongubun möbunî ke a ca omenʼ öbun hnyi je ke keihen hia? anyin a hia but hna könya tavat a idrin hnyei; ke a hia but hom ûhnyûkongo hnyei hnyi hnyimakö Iehova, me hnyi hnyimakan lakeiny.

Esetera 9:5

Ke haba at Juda ödrin e kot je iwahnaihmiony mödrin hia thithö ge hele vat, kʼ adre me hlingâ, me ohia, me ânyâ wedrin bi ka tavat adre me hûkötiʼ ödrin.

Numera 14:31

Ke haba lakubun je wanakat wale öbun e ha a gʼ ame he ka hûgûnâ hnen vat, me oge me he ka hum ödrin bi, ke adre me he ka wâ hnyei öbun e hûkötiâ.

II. Timoteo 2:26

mʼ adre me he ka möt ûnyi hnyi hnewe anyin diabolo, me omelö ge at huliwa ka Than ka hnyi weny Khong.

Josua 10:40

Me haba Josua ame kot hnyei hia ae hu buceniny, me hnyi Hwaiöu, me hnyei ae ca hut, me je hwatapkolu, me je thaniny hia thithö; e ba kolon e ame hna: ke e ame ohia ta je ûnyi hia ae hu homenâ, helâji me Iehova Khongon at Isaraela ame hûna.

Josua 11:23

Ke helâe Josua ame hom hnyei hia thithö helâ me je hofuc hia thithö a ha Iehova kö Mose; ke Josua ame ham e ka at Isaraela me idrin, hoton hna khenâ ködrin hnyi anyidrin je tribu. Me ame menâ ju tavat ûhedrin hnyi hna vat.

Josua 12:12

than Egelona, khaca; than Gezera, khaca;

Josua 12:24

than Tireza, khaca; habi je than hia thithö, me ödrin thote wan.

Josua 18:1

KE ame ûkhacaköu tavat a lakon Isaraela hia hnyi Silo, ke adre me otilâ eling uma mano a uma ûkhacaköu: ke ame ngâ but hnyei hnyi hnyimaködrin.

Josua 21:43

Me Iehova ame liam ka at Isaraela hnyei hia waleji e atne khemanyin he ka ham ka lakamödra; ke adre me tren e me labā.

Josua 21:45

Ke ame ca haû ke hofuc hnyi ta je hofuc ae so ame ba Iehova ka lap anyin at Isaraela; kʼ ame hwâdâ hia.

Owisa 4:23

Ke Khong ame oûhnyûkongu Jabin than Kanana hnyi bong eling hnyi hnyimakan lakon Isaraela.