Nehemia 9:11 - Iaai Bible 1901 (New Caledonia)

¹¹ Ke u je kia luâ köiö hnyi hnyimaködrin, mʼ ödrin e he hnyi wanben köiö hnyi dok ae mada; ke u je khûâ je iwahnaihmiony mödrin ka hnyi dok ae dit, helâ me veto hnyi köiö ae gan.

Nehemia 9:11 Iomraidhean Croise

Salamo 66:6

E ame wia köiö me me hnyei ae mada: Adre me he hanyâûâ wagewe ge ta je cadra: Waleling ate me senyin kâu.

Salamo 78:13

E ame subâ luâ köiö, me bi dedra; Ke e ame otilâ köiö helâ me li kbölöki.

Esodo 14:14

Ame he Iehova ka vat sing öbun, kʼ öbun e he ha laba hayibû.

Esodo 14:25

Ke ame thang je waengen hnyi anyidra je kariota, me me hmak he ka lelö: waleling me me ha hnen at Aigupito, ka habe, E so ate me kec ge at Isaraela; anyin a Iehova ame bi hiödra, me iwahnaihmiony me at Aigupito.

Esodo 14:29

Ke haba lakon Isaraela adre me vheno dok ae mada wanben köiö; ke li hak ködra köiö hnyi ke keihen metödra me medra.

Jeremia 32:20

at ame ip je haten me je ûnyi hnân lâiâ hnyi hnyei Aigupito, ke ne o but hnyi bong ang, hnyi wanben at Isaraela me ke je tavat; me bi iâm, helâ me hnyi bong ang;

I. Korinito 10:1

HNYAT me lakeiny lö, e ca wek e me ca khanʼ öbun a ga mwi hia laka-möta hnyi hmelen ûlâ, ke adre me gethen hia hnyi köiö;

Heberu 11:29

Hnen labageju adre me hanyâûâ Wagewe ae dra helâ me kânâ ae mada: ke haba at Aigupito adre me nâ cubecâ me adre me û but.

Hna Omanenâ 18:21

Ke haba ke angela ae hwege ame hom veto helâke me veto adre omomono ae gan me khûâ ka hnyi köiö, me ha, ka habe, Helâe minya adre me he ka hagutâ Babulona taun ae gan, ge hna khûâ ae hwege, ke adre me ca he hmetu ka wâ e bala.