Nehemia 9:1 - Iaai Bible 1901 (New Caledonia)

¹ KE haba hnyi bong a twente foainy tehi ang ame ûkhacaköu thö lakon Isaraela me ca han, me mano ae gan nân, me konâm je bodrin ge kânâ.

Nehemia 9:1 Iomraidhean Croise

II. Samuela 1:2

me haba hnyi bong a kuniny, wâ bi, ame o but ke at ûheny hnyi hna hunuma unyi Saulo ae khekhe anyin je ûkhaû, ke e hu kânâ hon ban: ke e ame o but kö Davita me e ame ta hnyikânâi me khudrung.

II. Man Ûlabainy Je Than. 20:3

Ke haba Jehosafata ame ot me hwân he he ka elâm unyi Iehova: me otilâ he ka ca han ehe e hnyi Juda hia.

II. Man Ûlabainy Je Than. 7:10

Ke haba hnyi bong a twente theriny tehi a seveniny, me, e ame kunâ tavat ka hnyi umödrin je uma mano, me senyin me hobâ hnyi je hnyekudrin ge ta je so Iehova ame ânyâ hobi kö Davita, me Solomona, me Isaraela a lakeiny.

Ezera 8:21

Ke oge me haimemenâ ûen he ka ca han eling hnyi wagewe Ahava, me hom ûhnyûkongi öhmun bi hnyi hnyimakan Khonguhmun, he ka elâm gan dehmun gethen ae wisa, me je wanakat gahmun, me anyihmun ta je ûnyi hia thithö.

Ezera 8:23

Me öhmun e ca han kʼ öhmun e sumâtâ bi Khonguhmun ge ûnyi eling; me e ame ling öhmun.

Nehemia 8:2

Me haba Ezera at bihut ame hom hnanyibu ka hnyi hnyimakan ûkhacaköu obaga me omomo, me tavat hia ae khanʼ ödra he ka lönghma-khmeto, hnyi bong a bâniny tehi a seveniny.

Esetera 4:16

He thö ka ûkhacaköuâ at Juda hia adre me wâ hnyi Susani, ke he thʼ öbun ka ca han, cak, ca he ka han me ic hnyi kun ta bong, hnyi lit me lany: ke oge me he bi nya me anyik je hlu he ka ca han minya; ke helâe oge me he ka he ka than, wale a ca ûcû me hnanyibu: ke eja ke ne oge ne mokcu, awe, oge me he ka mokcu.

Esetera 4:3

Ke haba hnyi je ke keihen hnyei hia waleji a o hnyin hofuc hwan than me anyin hnanyibu, wale hnyok ae hmak gan hmâ ka at Juda, me ca han, me tenge ae gan; ke haba tavat ae se hia adre me mokulec ec mano ae gan nân, me hnabadröu.

Jobu 2:12

Ke tiga sâkâû me ödrin e wâ, ke ödrin e ca wâhmakhmeto e bi, me ödrin e tenge hwege goranyai; ke ödrin e ve kia anyidrin je ûkhaû, me iâ kânâ ka hnyi hon je bodrin.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Joela 2:12

Ke so bi, haingo Iehova, ka habe, Walang ang hwio thö könya ge je hnyekubun ae bekhot, me ânyâ ca han, me tenge, me tenge thungaû:

Levitiko 23:34

Ha thö ka lakon Isaraela, ka habe, hnyi bong a fiftininy tehi eling a seveniny ame he ka bong hnân bi jeûiny je uma hunuma kö Iehova hnyi je bong a seven.

Levitiko 23:39

Ke hnyi bong a fiftininy tehi, öbun ka hia but ip je jeûiny hnyei, me öbun e he ka bi jeû kö Iehova hnyi je bong a seven: hnyi bong a bân ame he ka hu hna menâ ae ûnyi hnathu, me hnyi bong a eitiny ame he ka hu hna menâ ae ûnyi hnathu.

Josua 7:6

Ke haba Josua ame kia anyin je ûkhaû, me ta but hnyikânâi hnyi hnyimakan tang anyi Iehova ke ne o but sahac, a e me wahingatiny Isaraela; ke ödrin e ip dröu hon je bodrin.

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.

Owisa 20:26

Me ame he lakon Isaraela hia me tavat hia, me o hnyi Beth-ela, me tenge, me laba e hnyi hnyimakö Iehova, me ca han hnyi bong e ke ne o but sahac; me ödrin e hudo je hudiny leû, me je hudiny ûsoköu hnyi hnyimakö Iehova.

I. Samuela 4:12

Ke ame wadring ke at Beniamina ûheny hnyi hna vat, me o hnyi Silo hnyi bong eling, ke khekhe but anyin ûkhaû, ke e hu kânâ hon ban.

I. Samuela 7:6

Me ödrin e ûkhacaköu hnyi Mizepa, me seköiö, me hingâlâ hnyi hnyimakö Iehova, me ca han hnyi bong eling, me ha eling, ka habe, Ohmun e hia but ânyâ hulö kö Iehova. Ke Samuela ame owisa ka lakon Isaraela hnyi Mizepa.