Nehemia 8:9 - Iaai Bible 1901 (New Caledonia)

⁹ Ke haba Nehemia a gavena, me Ezera at bihut ke at sihnalimen, me at Levi tavat adre me nâ tavat, me ödrin e ha ka tavat hia, ka habe, Bong ang me kap kö Iehova Khongubun; ca hmak me tenge. Anyin ame tenge tavat hnyi ûen adre me long hofucin hnanyibu.

Nehemia 8:9 Iomraidhean Croise

II. Je Than 22:11

Ke a long ut than ta je hofuc hnyi tusiny hnanyibu, me e ame kia anyin je ûkhaû.

II. Je Than 22:19

anyin ae menyik hnyekom, ke u je ohnyikânâi u bi hnyi hnyimakö Iehova, hnyi ûen u me long hnok hna ha ge dok ang, me tavat adre me labâ e, mʼ ödrin e he ka ba at ke hnaûhango, ke u je kia ânyâm je ûkhaû, me tenge hnyi hnyimakök; awe, haingö Iehova, Oge hia but ling u.

II. Man Ûlabainy Je Than. 15:3

Ke se hia je bong ae ca hu Khong ae hnathu unyin at Isaraela, ke ba at ûne a at bihut, ke ba hnanyibu:

II. Man Ûlabainy Je Than. 30:22

Ke Hezekia ame fuc wia ka at Levi hia tavat ae metâ hnyi huliwa anyi Iehova. Me ödrin e bijeûâ hnyi seven je bongon, me hudo je hudiny ole, me omanenö hulo kö Iehova Khongon lakamödrin.

II. Man Ûlabainy Je Than. 34:19

Kʼ a long ut than ta je hofuciny hnanyibu, me e ame kia anyin je ûkhaû.

II. Man Ûlabainy Je Than. 34:21

He thʼ öbun ka elâm unyi Iehova hobi könya, me je kolon hnyi Isaraela me Juda, ge hofuciny tusi adre wâ: ânyin ae gan hmâ hmonyin anyi Iehova adre hingâlâ kötin, can a ca vheno lakamötin hofuc ho Iehova, he ka ânyâ hia helâ me hna sihnalimen hnyi tusi ang.

II. Man Ûlabainy Je Than. 35:3

Me e ame ha ka at Levi tavat ûne ka at Isaraela hia, tavat ae kap anyi Iehova, ka habe, Ip ju tang ae kap hnyi uma a op Solomona nöku Davita than Isaraela; kʼ öbun e ca he hmetu ka vadren: ke walang ang bi athnyabai Iehova Khongubun, me lakeiny a at Isaraela.

Ezera 2:63

Ke haba at ame musi ame ha ködrin mʼ ödrin e ca he ka hnyi an je ûnyi ae ti kap, ke ne o but ame tot ke at bihut me Urim me Thumim.

Ezera 7:11

Ke walang je hofuc hnyi tusi wale a ham Aretaseta than kö Ezera at bihut, me at sihnalimen, at ame sihnalimen je hofuc hnyi je hnanyibu anyi Iehova me hnen je hna hûna ka at Isaraela.

Nehemia 10:1

KE walang tavat adre me ohmâ haten gadrin, Nehemia gavena nöku Hakalia, me Zedekia;

Nehemia 12:26

Ke tavat eling hnyi je bong bongu Joakim nöku Jesua, nöku Jozadaka, me hnyi ûö Nehemia, at ame musi, me Ezera, at bihut a at sihnalimen.

Nehemia 7:65

Ke haba at musi ame ba ködrin, a ödrin e ca he ka hnyi an je ûnyi ae ti kap, ke ne o but ame tot at bihut me Urim me Thumim.

Nehemia 7:70

Ke haba ke je kamen ae beönua ödrin e ham hobi kâu huliwa. Haba gavena ame ham ka hnyi tang omjeû wan thauzan je dareki gol, ke fifte je kaia, ke faiv haded ke thote je ûkhaûen bi hut.

Nehemia 8:2

Me haba Ezera at bihut ame hom hnanyibu ka hnyi hnyimakan ûkhacaköu obaga me omomo, me tavat hia ae khanʼ ödra he ka lönghma-khmeto, hnyi bong a bâniny tehi a seveniny.

At Khet 3:4

ûen tenge, me ûen hluma: ûen hnyamok, me ûen bibiâ;

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Levitiko 23:24

Ha thö ka lakon Isaraela me ha, ka habe, Hnyi tehi a seveniny, hnyi bong a bâniny tehi, ame he ka hu hna menâ hobi köbun, hnân oûnykûmeâ hnen tuö trutru, ûkhacaköu ae kap,

Malaki 2:13

Ke wale minya ang hnobun hna ânyâ: öbun e tube taben hut anyi Iehova ge dân ecmak, me tenge, me mâng, me me ca wâ hmetu hut, me ca kap senyinâ e ûnyi gabun.

Roma 3:20

anyin ae ca khana bi ke at he ka wisa hnyi hnyimakan ge ta je huliwainy hnanyibu: anyin ae manen dut hulo ge hnanyibu.

Roma 7:9

Iny möt ehac ke tiga ba hnanyibu, ke ame o but hnanyibu, me ame möt dö hulo, ke oge mok ut;

Deuteronomi 12:12

ke öbun e he ka senyin hnyi hnyimakö Iehova Khongubun, öbun, me lakubun obaga, me lakubun wahlu, me lathnyabaibun obaga me omomo, me at Levi hnyi anyibun je lap, anyin ae ba hwajekhon, ke ba iny bi unyibun.

Deuteronomi 12:7

ke öbun e he ka han e hnyi hnyimakö Iehova Khongubun, me öbun e he ka senyinâ ta je ûnyi hia öbun e ânyâ, öbun me anyibun je lap, wale ame ohnahici u hnyin Iehova Khongom.

Deuteronomi 16:11

ke u me he ka senyin hnyi hnyimakö Iehova Khongom, u, me nokom baga, me hlu, me athnyabaem a baga, me momo, me at Levi hnyi je hnyabam, me atkanyua, me nakahme, me safac unyâm, hnyi dok ame he Iehova ka ûca hnân umen ien.

Deuteronomi 26:14

oge me ca hia but han ûnyi hnyin hnyi ûen oge me tenge, me hom ûnyi hnyin iny ka bo kong, me ham ûnyi hnyin hobi kâu je komok: oge hia but löng hoton hofuc ho Iehova Khonguk, oge hia but ânyâ hia hoton hnâm hna hûna könya.

Iakobo 4:9

E so öbun e he ka vec, me tenge thungaû, me tenge: e so he ka wia anyibun hluma ka hnyi tenge thungaû, me anyibun senyin ka hnyi hnyok ae hmak.