Nehemia 8:8 - Iaai Bible 1901 (New Caledonia)

⁸ Ke ödrin e aû manenâ tusi hnanyibu anyin Khong; me ödrin e ha bongon, mʼ adre me he ka wâ tremângâ hna aû.

Nehemia 8:8 Iomraidhean Croise

II. Je Than 23:2

Haba than ame he ka hnyi uma umo Iehova, tha e me tavat Juda hia, me aten Jerusalema hia, me tavat bihut, me ta je perofeta, me tavat hia ae ûhnyûkong me gan: ke e ame aû hnyi je hnyikönyidrin ta je hofuc hnyi tusiny ûhihinyköu adre wâ hnyi uma umo Iehova.

Ezera 4:18

Haba tusi öbun e kunâ kohmun, me adre me hia but aû manenâ hnyi hnyimakök.

Nehemia 8:12

Ke ame he tavat hia he ka han me ic, me kunâ je jekhoû, me ti senyin, anyin a ödrin e wâhmakhmetoâ je hofuc adre me omanenâ ködrin.

Nehemia 8:7

Kʼ haba Jesua, me Bani, me Serebia, me Jaʼ mina, me Akub, me Sebethai, me Hodia, me Maseia, me Kelita, me Azaria, me Jozabada, me Hanan, me Pelaia, me at Levi, me ödrin e ometâ tavat hnyi hnanyibu: ke ame ve tot tavat hnyi je hnödrin.

Nehemia 8:9

Ke haba Nehemia a gavena, me Ezera at bihut ke at sihnalimen, me at Levi tavat adre me nâ tavat, me ödrin e ha ka tavat hia, ka habe, Bong ang me kap kö Iehova Khongubun; ca hmak me tenge. Anyin ame tenge tavat hnyi ûen adre me long hofucin hnanyibu.

Nehemia 9:3

Ke ödrin e todrö hnyi je hnödrin, me aû tusi hnanyibu anyi Iehova Khongudrin hnyi ke keihen a vakiny bong; ke haba hnyi ke ke keihen ödrin e omanenö hulo, me khudrung kö Iehova Khongudrin.

Ezekiela 46:10

Ke haba than, me e ame he ka dit hnyi wanbödra ödra ka didro; ke ödra ka didrut, me e ame he ka tha didrut mödra.

Habakuka 2:2

Ke haba Iehova ame thu kônya me ha, ka habe, Sihnalimen ju hna omanenâ, me kave hnyi je taben, me me he ka aû ge tavat adre me wadring bi.

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Luka 24:32

Ke ödru me ûhaköu, ka habe, A ca kahwa bi li oûnykûmitu, waleji hnyi hnen hna ûhnenamö mötu eû hnyi gethen, me hnen hna omanenâ kötu je hna sihnalimen?

Luka 24:45

Me e ame khong ut je hnyekudrin, me ödrin e he ka wâhmakhmeto hna sihnalimen;

Ta je huliwa 28:23

Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac.