Nehemia 8:6 - Iaai Bible 1901 (New Caledonia)

⁶ ke Ezera ame haisoi Iehova Khong ae gan. Me haingen tavat hia, ka habe, Amen, Amen, me hai goranyai je hnyamödrin; ke ödrin e nom ju hnyikânâi me khudrung kö Iehova, me hnyimaködrin hnyikânâi.

Nehemia 8:6 Iomraidhean Croise

Genese 14:22

Ke haingö Aberama ka than Sodoma, ka habe, Oge hia but hai hnyamök kö Iehova, Khong ae Beönua, at a gan drany me hmeledrany,

Genese 24:26

Ke haba at e ame nom ju me ogânö Iehova.

I. Man Ûlabainy Je Than. 16:36

E so he ka haisoi Iehova, Khongu Isaraela. Hwan ehac balu ke ne o but nyiele balua. Ke haba tavat hia ödrin e ha, ka habe, Amen, me ogânâ Iehova.

I. Man Ûlabainy Je Than. 29:10

Anyin a wale Davita ame ole kö Iehova hnyi hnyimakan ûkhacaköu hia: haingö Davita, ka habe, Ole köu Iehova lö, Khongu Isaraela a kamöhmun, nyiele nyiele balua.

I. Man Ûlabainy Je Than. 29:20

Ke haba Davita ame ha ka ûkhacaköu hia, ka habe, Walang ang, oleâ thö kö Iehova Khongubun. Me haba ûkhacaköu hia adre me ole kö Iehova Khongon lakamödrin, me nom ju, me khudrung kö Iehova, me than.

II. Man Ûlabainy Je Than. 20:18

Ke haba Jehosafata ame nom hnyikânâi: ke haba Juda hia me aten Jerusalema ödrin e ta ju hnyi hnyimakö Iehova, me khudrung kö Iehova.

II. Man Ûlabainy Je Than. 29:10

Ke walang ang ame mokut eû hnyi hnyekuk he ka ânyâ ke ûhihinyköu me Iehova, Khongon Isaraela, me me he ka hia but gatin anyin hmonyin ae gan hmâ.

II. Man Ûlabainy Je Than. 29:30

Me haba Hezekia than me je taben ödrin e hûna ka at Levi he ka khumöng me oganö Iehova ge hofuc ho Davita me Asafa at wâ. Me ödrin e khumöngö je hna oganâ, me senyin, me ödrin e nom ju me khudrung.

II. Man Ûlabainy Je Than. 6:4

Me e ame ha, ka habe, Ole kö Iehova, Khongu Isaraela, at ame fuc ge hnyimen kö cica Davita, me ohwâdâ ge li hnyamen, ke haingen, ka habe,

Nehemia 5:13

Ke oge me jijingâ manoiny ûkhaûk, me ha, ka habe, Ame he Khong ka jijingâ degecâ tavat hia adre me ca ohwâdâ hofuc ang, ûnyi hnyi umödrin je uma, me anyidrin je huliwa; e so adre me he ka jijingʼ ödrin helâe, me otheduocâ. Me ame ha ûkhacaköu hia, ka habe, Amen, kʼ adre me oganö Iehova. Me haba tavat ödrin e ânyâ hoton hofuc eling.

Nehemia 8:7

Kʼ haba Jesua, me Bani, me Serebia, me Jaʼ mina, me Akub, me Sebethai, me Hodia, me Maseia, me Kelita, me Azaria, me Jozabada, me Hanan, me Pelaia, me at Levi, me ödrin e ometâ tavat hnyi hnanyibu: ke ame ve tot tavat hnyi je hnödrin.

Salamo 134:2

Hai thö hnyamöbun ka hnyi dok ae kap, Me haisoi Iehova.

Salamo 141:2

E so e tethmâ hijik hic hnyi hnyimâkâm helâ me uto ae bo so; Ke hna ogöranyâ li hnyamok, helâ me hut adre me hudo hnyi je sahac.

Salamo 28:2

Long ju hwan anyik sumat, iny ka hawo u, Iny ka hai thö li hnyamok ka hnyi dok ae kap u me fuc hnyin.

Salamo 41:13

E so he ka haisoi Iehova, Khongu Isaraela, Hwân ehac balua ke ne o but nyiele balua. Amen, me Amen.

Salamo 63:4

Helâe oge me he ka haisoi u inye tiga möt: Ûnyi hnyi iâm oge me he ka hai goranyai li hnyamok.

Salamo 95:3

Anyin a Khong ae gan hmâ Iehova, Ke Than ae gan hmâ hon ta je khong hia thithö.

Esodo 12:27

mʼ öbun e he ka thu, ka habe, Wale hut paseka kö Iehova, waleji at ame he hanyâûâ ta je uma umen lakon Isaraela hnyi Aigupito hnyi hnen hna kot at Aigupito me omelö anyitinʼta je lap. Ke haba tavat adre me nom ju me khudrung.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Jeremia 28:6

haingö Jeremia perofeta, ka habe, Amen: e na ânyâ helâ ju e Iehova: e na ohwâdâ ju Iehova hwan hofuc, waleji u je perofeta, he ka ohmeto ka hnyi dok ang ta je omjehen uma umö Iehova, me ta je bâ hia ûheny Babulona.

Je tenge anyi Jeremi 3:41

Ate me he ka kap goranyai je hnyekuta me je hnyamöta ka Khong ethö hnyi drany.

Levitiko 9:24

Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.

Mataio 26:39

Me e ame he ka hnyi dok ae hakekeny, me ta ju hnyikânâi, me hic, me ha, ka habe, Cica lö, a ne ca pason, ö u ohia but utk… eang gak: ke so bi e ca hamök, ke ka… mâm bi.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

I. Korinito 14:16

Ke u je ne he ka ole ge hanu, ame he ka kâmâu ka ha Amen ka ânyâm ole, hnen at adre ca nâ, anyin e ca khana hnâm hna ha?

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

Hna Omanenâ 7:11

Ke haba ta je angela, me adre me ûtitilen igigilo theron, me igigilo wahingat ke ta je ûnyi ae möt a vak; me adre me ta ju hnyi hnyimakan theron me khudrung ka Khong,