Nehemia 8:5 - Iaai Bible 1901 (New Caledonia)

⁵ Ke haba Ezera ame ulolo tusi hnyi hnyimakan tavat hia; (anyin a e ethö hon tavat hia;) ke a hia but ulolo e, me ame tha todrö tavat hia:

Nehemia 8:5 Iomraidhean Croise

I. Je Than 8:12

Ke haba Solomona ame fuc, me ha, ka habe, A hia but ha Jehova a e ame he ka laba hnyi menekholom ae gan.

I. Je Than 8:14

Me haba than ame hwio me hahnahicâ ûkhacakoû hia anyin Isaraela: ke ame todrö ûkhacaköu anyin Isaraela hia.

Nehemia 8:3

Me e ame aû tusi e, hnyi dok ae lau cicö homagouleny an, hwân hnyi haolany ke ne o but hnyi jebigö, hnyi hnyimakan obaga me omomo, me tavat ae khanʼ ödra he ka lönghmakhmeto; ke ame tevehlöng je hnyi-könyen tavat ka hnyi tusiny hnanyibu.

Nehemia 8:4

Ke haba Ezera at sihnalimen ame tot hon tap uto, waleji adre me tibet hobi kâu huliwa eling; ke haba Matathia ame tot unyin, me Sema, me Anaia, me Uria, me Hilekia, me Maseia, hnyi ke keihen a metân; ke ödrin bi hnyi ke keihen a meny, me Pedaia, me Misaela, me Malekia, me Hasum, me Hasebadana, me Zakaria, me Mesulama.

Owisa 3:20

Ke ame hok dö Ehuda kâu: ke e ame laba hnyi hnyeule ethö dok ae hu ang, ke e ame hake lap. Me haba Ehuda ame ha, ka habe, E hu gak hofuc hwan Khong köu. Me e ame todrö ûheny bon taben lap.