Nehemia 8:12 - Iaai Bible 1901 (New Caledonia)

¹² Ke ame he tavat hia he ka han me ic, me kunâ je jekhoû, me ti senyin, anyin a ödrin e wâhmakhmetoâ je hofuc adre me omanenâ ködrin.

Nehemia 8:12 Iomraidhean Croise

I. Man Ûlabainy Je Than. 29:22

ke ödrin e han me ic hnyi hnyimakö Iehova hnyi bong eling me senyin gan hmâ. Ke ödrin e olo otilö Solomona nöku Davita ka than, me hû e kö Iehova hnân at musi, me Zadoka he ka at bihut.

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Nehemia 8:11

Me at Levi ödrin e otubwelâ tavat hia, me ha ködrin, ka habe, Laba hnyibû, anyin ae kap bong ang; ca hmak bi öbun.

Nehemia 8:13

Ke haba hnyi bong a loiny ame ûkhacaköu je kamen ae beönua ge tavat hia, me tavat bihut, me at Levi, kö Ezera at sihnalimen, mʼ adre me he ka tevehlöng hofucin hnanyibu.

Esetera 9:22

wale li bong waleji hnen at Juda hna menâ ge je iwahnaihmiony mödrin, me tehi waleji adre me wia hmutu ködrin ûheny hnyi hna hmak hnyekon, me me senyin bi, ke ûheny hnyi hna tenge, me me bong bi ae so; mʼ adre me he ka ânyâ hnân li bong bijeû me senyin, me hnân ûhamköuâ je jekhoû, me ham je bwihlany ka tavat ae theduoc.

Jobu 23:12

Oge ca hia but saûâ degecâ hnanyibu ûnyi hnyi li esongodiny; Oge hia but oûnyihnatho hofuc a hwan, hon ök jeû.

Salamo 119:111

Oge hia but hom hnâm ta je hna ohnathoâ hnân jekhöûk nyiele balua; Anyin ame osenyinâ hnyekuk.

Salamo 119:127

Anyin a wale inya oge me hnyok ka ânyâm ta je hnanyibu Hon gol, eke, hon gol ae so.

Salamo 119:130

Haba hna omanenâ bongon hwâm ta je hofuc, me wale hnân omelamâ; Ame owâhmakhmeto tavat ae ba hnyekudra.

Salamo 119:14

Oge hia but senyinâ deny hnâm je hna ohnathoâ, Helâ me hnok hna senyinâ ta je omjeû hia thithö.

Salamo 119:16

Oge me he ka hobâ ge hnâm ta je hna otilâ: Oge me ca he ka hnying hwâm hofuc.

Salamo 119:171

E so ame he li esongodik ka ha hna ogânâ; Anyin a u me nö nya ge ânyâm ta je hnanyibu.

Salamo 119:174

Iehova lö, oge me ti wek hmönyinâ ânyâm ûhomeli; Ke oge me senyin ge ânyâm hnanyibu.

Salamo 119:72

E beönua soiny könya hnanyibuiny hnyimâm Hon je thauzan gol me sileva.

Salamo 119:97

Shaiba ge hnok hna hnyok ka ânyâm hnanyibu! E bi mekhunen hnyekuk hnyi je bong hia.

Jeremia 15:16

Adre me wâ hwâm je hofuc, me oge me an e; ke hnân senyin me hnân hobâ hwâm je hofuc hnyi hnyekuk: anyin adre me hwenyi iök ge iâm, Iehova Khongon sabaoth.

Luka 24:32

Ke ödru me ûhaköu, ka habe, A ca kahwa bi li oûnykûmitu, waleji hnyi hnen hna ûhnenamö mötu eû hnyi gethen, me hnen hna omanenâ kötu je hna sihnalimen?

Roma 7:18

Anyin ae khanö nya ae ba ke unyi ae so ame laba eû hnyi hnyik, wale hnyi unyik: anyin ae hu gak wek, ke ba manik man he ka ânyâ so.

Hna Omanenâ 11:10

Ke haba tavat adre me laba eang hmeledrany, me adre me senyin gadru me hobâ; ke adre me he ka ûhamköuâ ta je bwihlany; anyin a li perofeta eling ödru me ovecâ tavat adre me laba eang hmeledrany.