Nehemia 8:10 - Iaai Bible 1901 (New Caledonia)

¹⁰ Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Nehemia 8:10 Iomraidhean Croise

I. Je Than 8:66

Ke haba hnyi bong a eitiny e ame kunâ tavat, me adre me hahnahicâ than me ve he ka hnyi umödra je uma mano me senyin me hnyok ame hobâ, can ta je so hia ame ânyâ Iehova kö Davita athnyabainy, me Isaraela a lakeiny.

I. Man Ûlabainy Je Than. 16:27

E bi hnyi hnyimakan hna ogânâ me hmanenang: Tang hwege me senyin hnyi hnyaban.

Nehemia 8:11

Me at Levi ödrin e otubwelâ tavat hia, me ha ködrin, ka habe, Laba hnyibû, anyin ae kap bong ang; ca hmak bi öbun.

Nehemia 8:12

Ke ame he tavat hia he ka han me ic, me kunâ je jekhoû, me ti senyin, anyin a ödrin e wâhmakhmetoâ je hofuc adre me omanenâ ködrin.

Esetera 9:19

Anyin a wale haba at Juda hnyi je taun ae ûhnyûkong, tavat adre me laba hnyi je taun ae ba haginy, adre me wia bong a fotininy tehi Adara hnân bong senyin me bijeû, me bong ae so, me hnân ûhamköuâ je jekhöû.

Esetera 9:22

wale li bong waleji hnen at Juda hna menâ ge je iwahnaihmiony mödrin, me tehi waleji adre me wia hmutu ködrin ûheny hnyi hna hmak hnyekon, me me senyin bi, ke ûheny hnyi hna tenge, me me bong bi ae so; mʼ adre me he ka ânyâ hnân li bong bijeû me senyin, me hnân ûhamköuâ je jekhoû, me ham je bwihlany ka tavat ae theduoc.

Salamo 149:2

E so e he Isaraela ka senyin ka at a op e: E so e hobâ je laku Ziona ka Tuhödra.

Salamo 89:17

Anyin a u thibi hmanenanginy hwegiödra: Ke adre me he ka ogöranyâ anyihmun faoiny meno hnyi ânyâm ibetengiö.

Ta je Vejec 17:22

Haba hnyok ae hâhâ, me wale bubuny ae so: Ke haba hnyok ame hloûhloû me ame ohwahwacitâ je jö.

At Khet 11:2

Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

At Khet 2:24

E ba nua soiny at hon he ka han me ic me hna hnyekon he ka senyin so hnyi anyin huliwa. Oge me wâ minya e, a ûnyi ge Khong.

At Khet 3:13

Ke haba khaca, ae ka han me ic tavat, me senyin so hnyi anyidra huliwa, wale bwihlany anyin Khong.

At Khet 5:18

Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

At Khet 9:7

He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

Khumöng Hwanyi Solomona. 5:1

INYA oge me o ka hnyi ik hnyei, waek, öiök: Oge hia but auk anyik muro, ke anyik je ûö ae bo so; Oge me an anyik hani adre ca hlec tha e me hani; Oge me ijem anyik waina me debai. Je lahanök lö, han ju; Öbun laoûnykûmik lö, ijem gânâ thö.

Isaia 49:5

Ke walang ang ame ha Iehova, at a up nya ûnyi hnyi hnyok mʼ inya athnyabainy, he ka ohmetu Jekob kâu, me me ûkhacaköu hmetu Isaraela unyin: (anyin a inya at adre ogânâ hnyi hnyimakö Iehova, ke haba Khonguk me wale tang hwegiök:)

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Joela 2:23

Ke senyin dö, öbun je lakon Ziona me hobâ ga Iehova Khongubun; anyin a e ame ham köbun we a bân ae ûcû, ke e ame kunâ köbun we, wale we a bân me we a biliny, hnyi tehi a bân.

Zakaria 14:21

Eke, ame he ka kap kö Iehova tuhan sabaoth je öt hia hnyi Jerusalema me Juda: ke ame he tavat bihut hia ka he me hom me ölâ: ke ame he ka ba hmetu bi at Kanana hnyi uma umo Iehova tuhan sabaoth hnyi bong eling.

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

II. Korinito 8:2

ka habe, adre cubic ödra hnyi vec ae gan hmâ, ke ame kû gan hmâ but anyidra sēnyin me hna ham bâûâ ûnyi hnyi anyidra theduoc.

Filipi 3:4

ke so bi e hu but gak hnân labageju ka hnyi unyin: ame ne he ke at ka ûnykûme a gʼ ame hu but gan hnân labageju ka hnyi unyin, me hu gan hmâ bi könya:

Hna Omanenâ 11:10

Ke haba tavat adre me laba eang hmeledrany, me adre me senyin gadru me hobâ; ke adre me he ka ûhamköuâ ta je bwihlany; anyin a li perofeta eling ödru me ovecâ tavat adre me laba eang hmeledrany.

I. Samuela 25:8

Hnö thö ânyâm je hidröu, me ödrin e ho ka thumetu u: anyin a wale e so u me betenge ge je hidröu; anyin a öhmun e o but hnyi bong ae so: ö u ham dö je ûnyi ae hu gam ka athnyabaem me nokom a Davita.