Nehemia 7:70 - Iaai Bible 1901 (New Caledonia)

⁷⁰ Ke haba ke je kamen ae beönua ödrin e ham hobi kâu huliwa. Haba gavena ame ham ka hnyi tang omjeû wan thauzan je dareki gol, ke fifte je kaia, ke faiv haded ke thote je ûkhaûen bi hut.

Nehemia 7:70 Iomraidhean Croise

I. Je Than 7:45

me je öt, me je soi, me je kaia: kaba je ûnyi hia eling wale a ânyâ Hirama hobi kö Solomona than hnân hobi kâu uma umo Iehova, a bras adre ohadrön-göcâ.

I. Man Ûlabainy Je Than. 28:17

me gol hnân je bâletiny utiö, me je kaia, me je utkaia: ke adre tuluto gol hnân je kaia gol hia, ke kaia me ke kaia; me sileva hnân je kaia sileva, ke kaia me ke kaia:

II. Man Ûlabainy Je Than. 4:11

Ke haba Hirama ame ânyâ je öt, me je soi, me ta je kaia. Me haba Hirama ame umö ta je huliwa e ame ânyâ hobi kö Solomona than hnân hobi kâu uma umen Khong:

II. Man Ûlabainy Je Than. 4:8

Ke e ame ânyâ minya je laulau a ten, kʼ ame ip hnyin uma kap, thabûng hnyi ke keihen metâ, ke ke thabung hnyi ke keihen me. Ke e ame ânyâ je kaia gol a wan haded.

Nehemia 10:1

KE walang tavat adre me ohmâ haten gadrin, Nehemia gavena nöku Hakalia, me Zedekia;

Nehemia 7:65

Ke haba at musi ame ba ködrin, a ödrin e ca he ka hnyi an je ûnyi ae ti kap, ke ne o but ame tot at bihut me Urim me Thumim.

Nehemia 7:69

haledrin je kamela, foa haded ke thote faiv; je asina, siks thauzan seven haded ke twente.

Nehemia 7:71

Ke haba ke je kamen ae beönua, ödrin e ham ka hnyi tang omjeû hnân huliwa, twente thauzan je dareki gol, ke tu thauzan tu haded je mina sileva.

Nehemia 8:9

Ke haba Nehemia a gavena, me Ezera at bihut ke at sihnalimen, me at Levi tavat adre me nâ tavat, me ödrin e ha ka tavat hia, ka habe, Bong ang me kap kö Iehova Khongubun; ca hmak me tenge. Anyin ame tenge tavat hnyi ûen adre me long hofucin hnanyibu.

Esodo 12:22

Ke hom dʼ öbun ta je thi hisop, me hneû hnyi dra hnyi utkaia, me sa hon hwanuma me li uthwanuma ge dra ûnyi hnyi utkaia; kʼ ame ca he ke at gabun ka dit kâ û ûnyi hnyi umen uma ke ne o but ka hnyi hnyomakatu.

Esodo 24:6

Haba Mose ame hom ke keihen dra, me hingâlâ ka hnyi je kaia; ke haba kolon dra e ame dukâiâ kâu taben hut.

Jeremia 52:19

Ke haba taben tavat tue ame hom je utkaia, me je taben meic, me je kaia me je öt, me je taben lamepa, me je spun, me je kaia; adre hom goliny je ûnyi ae gol, me silevainy je ûnyi ae sileva.