Nehemia 7:3 - Iaai Bible 1901 (New Caledonia)

³ Ke oge me ha ködru, ka habe, Ca he öbu ka khong je homagouleny Jerusalema ke ne o but ame kahwa but seûno; ke adre me he ka hlöng je hwanuma me ohmâ hmetu kʼ ödrin e tiga hmâkâ: me otilâ tavat adre me laba hnyi Jerusalema hnân tavat tue hnyi anyidrin je hmak, ve cicö umödrin je uma.

Nehemia 7:3 Iomraidhean Croise

Nehemia 13:19

Ke ame hauhaotreng ut hnyi je homagouleny Jerusalema ke tiga hia bi sabath, me oge me ûkhûnöng he ka hlöng je homagöule, ke oge me hûna a gʼ adre me ca he hmetu bi ka khong ke ne o but a um dö sabath: ke oge me otilâ ke lathnyabaik hnyi je homagöule, mʼ adre me ca he ka dit me je hok hnyi sabath.

Nehemia 3:23

Ke hwaban e, Beniamina me Hasuba, ödru me op cicö umödru uma. Ke hwaban e Azaria nöku Maseia, nöku Anania ame op baten umen uma.

Nehemia 7:2

me oge me kû Hanani liamekeiny mönya, me Hanania at ame muso hnabâ, he ka musi hnyi Jerusalema: anyin a e at ae wisa, kʼ ame ti outen Khong hon tavat ae se hia.

Nehemia 7:4

Ke ame lau me gan hmâ taun: ke wakhalet ut tavat hnyin, ke adre me tiga ca op je uma.

Salamo 127:1

ANE ca op Iehova uma, Më me be tavat ka okhot ka op e: Ame ne ca tuö bi taun Iehova, Ma me he ka hmak baû at ame tue.

Salamo 147:13

Anyin a e ame hia but ohwegiâ je venyainy ta je homagöulem; E ame hia but ohnahicâ lakom hnyi wanbâm.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.